ஹனி சீஸ்கேக்

100 g சாஃப்ட் வெண்ணெய், 80 g தேன் மற்றும் ஒரு முட்டையின் மஞ்சள் கரு சேர்த்து கிரீமியாகும் வரை நன்கு பீட் செய்யவும். அத்துடன் 200 g மாவு, ½ tsp பேக்கிங் பவுடர் மற்றும் ஒரு சிட்டிகை உப்பு சேர்த்து சலித்து மென்மையாகப் பிசையவும். இதை பிளாஸ்டிக் ராப்பில் சுற்றி 1 மணி நேரம் ஃப்ரிட்ஜில் வைக்கவும்.

மாவை இரண்டு பார்ச்மென்ட் பேப்பர்களுக்கு நடுவே வைத்து உருட்டி, ஃபோர்க்கால் சிறு துளைகள் இடவும். அவனில் 190°C (375°F) சூட்டில் 10–15 நிமிடங்கள் பேக் செய்து ஆறவிடவும்.

நன்கு ஆறியதும் மிக்ஸியில் பொடித்து, அதனுடன் 35 g சாஃப்ட் வெண்ணெய் சேர்த்து நன்றாகக் கலக்கவும்.

18 cm (7 in) பேக்கிங் ரிங்கின் உள்பக்கத்தில் வெண்ணெய் தடவவும். தயார் செய்த பிஸ்கட் கலவையை சமமான அடிபாகம் கொண்ட டம்ளர் கொண்டு டின்னின் அடியிலும் ஓரங்களிலும் அழுத்தி பரப்பவும்.

🔹 கேக் டின் தயார் செய்வது பற்றிய விரிவான வீடியோவிற்கு:

https://youtu.be/Lvuwh0OepUo?t=68

இதை 180°C (350°F) சூட்டில் 10 நிமிடங்கள் பேக் செய்து, பின்னர் ஃப்ரிட்ஜில் வைக்கவும்.

600 g கிரீம் சீஸ் உடன் 150 g தேன் சேர்த்து கலக்கவும். பின் 2 முட்டைகளை ஒவ்வொன்றாகச் சேர்த்து, கடைசியாக 80 g ஹெவி கிரீம் சேர்த்துக் கலக்கவும். இந்தக் கலவையை ஏற்கனவே செய்து வைத்துள்ள க்ரஸ்ட் மீது ஊற்றி சமன் செய்யவும்.

அவனில் 110°C (230°F) சூட்டில் 90–120 நிமிடங்கள் பேக் செய்யவும். அவனின் கீழ் தட்டில் சுடுதண்ணீர் நிரப்பிய ஒரு ட்ரேயை (Water bath) வைக்கவும்.

அவனை அணைத்துவிட்டு உள்ளேயே ஆறவிடவும். பிறகு பிளாஸ்டிக் ராப் போட்டு மூடி இரவு முழுவதும் ஃப்ரிட்ஜில் வைக்கவும்.

அடுத்த நாள், கேக்கை ரிங்கில் இருந்து மெதுவாக வெளியே எடுக்கவும். பரிமாறுவதற்கு முன் மேலே சிறிது தேன் ஊற்றி அலங்கரிக்கவும்.