கேரட் கப் கேக்

130 g கேரட்டை துருவிக்கொள்ளவும். அதில் 1 முட்டை, 100 g சர்க்கரை, 120 g எண்ணெய் (சன்ஃப்ளவர் ஆயில் சிறந்தது) மற்றும் 15 g கெட்டித் தயிர் சேர்த்து நன்றாக கலக்கவும்.

இதில் 150 g மைதா, பேக்கிங் பவுடர், பேக்கிங் சோடா, உப்பு மற்றும் இலவங்கப்பட்டை தூளை சலித்து சேர்க்கவும். மிருதுவாக கலக்கிக்கொள்ளவும்.

40 g வால்நட்ஸை பொடியாக நறுக்கி மாவில் சேர்த்து மெதுவாக கலக்கவும்.

மாவை பைப்பிங் பேக் அல்லது கரண்டி கொண்டு கப் கேக் மோல்டுகளில் ஊற்றவும் (6 பெரிய அல்லது 9 சிறிய கப் கேக்).

160°C (325°F) சூடாக்கிய ஓவனில் 30–40 நிமிடங்கள் பேக் செய்யவும். ஒரு டூத்பிக் விட்டுப் பார்த்து வெந்துவிட்டதா என்று சோதிக்கவும். பின் கப் கேக்குகளை முழுமையாக ஆறவிடவும்.

ஒவ்வொரு கப் கேக்கின் நடுவிலும் சிறிய துளையிட்டு, உள்ளே தயார் செய்த கேரமலை நிரப்பவும். அதன் மேல் க்ரீம் சீஸ் ஃப்ராஸ்டிங் செய்யவும்.

உங்கள் விருப்பப்படி அலங்கரிக்கலாம். மேலே சிறிது கேரமல் மற்றும் பொடித்த வால்நட்ஸ் தூவி அலங்கரிக்கலாம்.

ஒரு பாத்திரத்தில் 120 g சர்க்கரையை மிதமான தீயில் வைத்து, கட்டிகள் இல்லாமல் கரையும் வரை கிளறவும்.

சர்க்கரை உருகி நல்ல நிறம் வந்ததும், ஃப்ரீசரில் வைத்த 50 g குளிர்ந்த வெண்ணெயை துண்டுகளாக சேர்த்து கலக்கவும். சர்க்கரையுடன் வெண்ணெய் நன்றாக சேர வேண்டும்.

பிறகு 80 g சூடான க்ரீமை மெதுவாக ஊற்றி கலக்கவும்.

அடுப்பிலிருந்து இறக்கி ¼ tsp உப்பு சேர்க்கவும். வடிகட்டி ஒரு பாத்திரத்தில் ஊற்றி ஃப்ரிட்ஜில் வைக்கவும்.

200 g க்ரீம் சீஸ், 100 g குளிர்ந்த ஹெவி க்ரீம் (குறைந்தது 24 மணி நேரம் ஃப்ரிட்ஜில் வைத்தது) மற்றும் 60 g பொடித்த சர்க்கரை ஆகியவற்றை ஒன்றாக சேர்த்து கெட்டியாகும் வரை விஸ்க் வைத்து பீட் செய்யவும். இதை நாசில் பொருத்திய பைப்பிங் பேகில் மாற்றவும்.