كرامبل التفاح

قطعي 1 كجم من التفاح لشرائح رفيعة وحطيها في بولة كبيرة. ضيفي 120 جم سكر، 2 ملعقة كبيرة ليكور (استخدمت ليكور اللوز)، 1 ملعقة كبيرة دقيق و ½ ملعقة صغيرة قرفة. قلبيهم كويس وسيبيهم على جنب.

اخلطي 125 جم دقيق، 90 جم شوفان، 150 جم سكر، البيكنج بودر، القرفة ورشة ملح. دوبي 125 جم زبدة، ضيفيها للخليط وقلبي لحد ما يتجانس.

ادهني صينية مقاس 27×27 سم (10½×10½ بوصة) كويس بالزبدة. وزعي التفاح في الصينية وفوقه طبقة الكرامبل بالتساوي، زي ما هو موضح في الفيديو.

اخبزيها في فرن مسخن مسبقاً على 180°C (350°F) لمدة 35–40 دقيقة.