ഈസി ക്രിസ്മസ് ഫ്രൂട്ട് കേക്ക്

ഒരു പാത്രത്തിൽ ചെറുതായി അരിഞ്ഞ 350 g പ്രൂൺസ്, 200 g ഉണക്കമുന്തിരി, 200 g ഡ്രൈ ക്രാൻബെറി, 200 g ബട്ടർ, 200 g മസ്‌കോവാഡോ പഞ്ചസാര (അല്ലെങ്കിൽ ബ്രൗൺ ഷുഗർ), 2 ഓറഞ്ചിന്റെ നീരും തൊലി ഗ്രേറ്റ് ചെയ്തതും (180 g), 200 g തേൻ, 100 g ഡാർക്ക് റം, 2 tbsp കൊക്കോ പൗഡർ, 1 tsp കറുവാപ്പട്ട പൊടിച്ചത്, ¼ tsp ജാതിക്ക പൊടിച്ചത് എന്നിവ ഒരുമിച്ച് ചേർക്കുക.

ഇത് തിളപ്പിക്കാൻ വെക്കുക, തിളച്ച ശേഷം തീ കുറച്ച് 15 മിനിറ്റ് ചെറുതായി കുറുകുന്നത് വരെ വേവിക്കുക. ശേഷം തീ ഓഫ് ചെയ്ത് ഇത് പൂർണ്ണമായും തണുക്കാൻ അനുവദിക്കുക.

മറ്റൊരു പാത്രത്തിൽ 150 g മൈദ, 75 g ബദാം പൊടിച്ചത്, ½ tsp ബേക്കിംഗ് സോഡ, ½ tsp ബേക്കിംഗ് പൗഡർ, ¼ tsp ഉപ്പ് എന്നിവ നന്നായി യോജിപ്പിച്ച് മാറ്റിവെക്കുക.

3 മുട്ടയും ½ tsp വാനില എസ്സെൻസും ചേർത്ത് ചെറുതായി അടിച്ചെടുക്കുക, ശേഷം തണുത്ത ഫ്രൂട്ട് മിശ്രിതം ഇതിലേക്ക് ചേർത്ത് നന്നായി ഇളക്കുക. ഇതിലേക്ക് നേരത്തെ മാറ്റിവെച്ച പൊടികളുടെ മിശ്രിതം കുറേശ്ശെയായി ചേർത്ത് പതുക്കെ ഫോൾഡ് ചെയ്തെടുക്കുക.

ബേക്കിംഗ് പാനിൽ ബട്ടർ തടവി അല്പം മൈദ വിതറുക. ബാറ്റർ ഇതിലേക്ക് ഒഴിച്ച്, 165°C (325°F) ചൂടാക്കിയ ഓവനിൽ 60–70 മിനിറ്റ് ബേക്ക് ചെയ്യുക (ഒരു ടൂത്ത്പിക്ക് കുത്തി നോക്കുമ്പോൾ ഒട്ടിപ്പിടിക്കാതെ വരണം). ശേഷം കേക്ക് നന്നായി തണുക്കാൻ വെക്കുക.

100 g വൈറ്റ് ചോക്ലേറ്റ് ഉരുക്കി കേക്കിന് മുകളിൽ ഒഴിക്കുക. മുകളിൽ ഫ്രഷ് റോസ്മേരി വെച്ച് അലങ്കരിച്ച്, മഞ്ഞ് വീഴുന്ന ലുക്ക് കിട്ടാനായി 15 g ഐസിംഗ് ഷുഗർ വിതറി കൊടുക്കുക.