Biskota Krishtlindjesh

Rrihni 190 g gjalpë të zbutur me 75 g sheqer pluhur për 5–7 minuta derisa të bëhet një masë kremoze dhe e fryrë. Shtoni të bardhën e vezës, vaniljen dhe kripën, dhe rrihini edhe për 2 minuta të tjera. Shtoni gradualisht 215 g miell të situr duke e trazuar lehtë me spatul.

Ndani një të tretën e brumit (175 g) në një enë më vete, shtoni 5 g (2 lç) kakao pluhur dhe trazojeni derisa të njëtrajtësohet. Pjesës tjetër të brumit shtojini 10 g miell dhe përziejeni mirë. Ndajeni përgjysmë (nga 180 g secila pjesë) dhe shtoni ½ lç ngjyrues të kuq në njërën prej tyre. Përziejeni mirë.

Vendoseni secilin brumë në nga një xhep pastiçerie me majën që dëshironi.

Formoni biskotat mbi një tavë të shtruar me letër pjekjeje, duke bërë nga dy forma të ndryshme për çdo ngjyrë. Piqini në furrë të ngrohur paraprakisht në 180°C (350°F) për 8–10 minuta. Kalojini biskotat në një skarë kuzhine që të ftohen plotësisht.

Rrihni 150 g gjalpë të zbutur me 120 g sheqer pluhur për 5–7 minuta derisa të fryhet. Shtoni 2 të verdhat e vezëve, vaniljen dhe kripën, dhe rrihini edhe për 1 minutë. Shtoni me spatul 230 g miell të situr duke e përzier butësisht.

Ndani një të tretën e brumit (180 g) në një enë, hidhni 5 g (2 lç) kakao dhe trazojeni mirë. Pjesës tjetër (dy të tretat) shtojini 15 g miell dhe trazojeni mirë. Ndajeni në dy pjesë të barabarta (nga 190 g) dhe njërës prej tyre shtojini ½ lç ngjyrues të kuq. Përziejeni derisa ngjyra të shpërndahet njëtrajtshëm.

Pështilleni çdo copë brumi me qese kuzhine, shtypeni pak me dorë dhe lëreni në frigorifer për 2–3 orë që të forcohet.

Hapeni brumin me petës mbi letër pjekjeje dhe pritni dy forma të ndryshme për çdo ngjyrë. Mblidhni mbetjet e brumit, punojini lehtë dhe hapini sërish derisa të mbarojë i gjithë brumi.

Piqini në 180°C (350°F) për 7–9 minuta. Kalojini në një skarë dhe lërini të ftohen plotësisht.

Vendosni çokollatën e qumështit, të zezë dhe të bardhë në xhepa të veçantë pastiçerie dhe shkrijini në ujë të nxehtë ose në mikrovalë. Thërrmoni arrat apo lajthitë nëse janë të plota.

Hidhni çokollatën e shkrirë sipër biskotave në formë vijash dhe spërkatini me fruta të thata. Për më shumë larmishmëri, përdorni dekorime të ndryshme për çdo model biskote. Disa nga biskotat Sablé bashkojini dy e nga dy duke i lyer në mes me reçel.

Lëreni çokollatën të ngurtësohet plotësisht për 1–2 orë. Pasi të jetë forcuar, paketojini me kujdes biskotat në kutitë e dhuratave.