റെഡ് വെൽവെറ്റ് കപ്പ്കേക്ക്

ഒരു വലിയ ബൗളിലേക്ക് 120 g മൈദ, 1 tsp കൊക്കോ പൗഡർ, ½ tsp ബേക്കിംഗ് പൗഡർ, ¼ tsp ബേക്കിംഗ് സോഡ, ¼ tsp ഉപ്പ്, ½ tsp റെഡ് ഫുഡ് കളർ പൊടി എന്നിവ ഒരുമിച്ച് അരിച്ചെടുക്കുക. ഇത് നന്നായി വിസ്ക് ചെയ്ത് മാറ്റിവെക്കാം.

മറ്റൊരു ബൗളിൽ 1 മുട്ടയും 80 g പഞ്ചസാരയും ചേർത്ത് നന്നായി അടിച്ചെടുക്കുക. ഇതിലേക്ക് 90 g ബട്ടർമിൽക്ക്, 40 g ഉരുക്കിയ ബട്ടർ, 40 g വെജിറ്റബിൾ ഓയിൽ എന്നിവ ചേർത്ത് യോജിപ്പിക്കുക. ഇനി ഇതിലേക്ക് നേരത്തെ മാറ്റിവെച്ച പൊടികൾ ചേർത്ത് കട്ടകളൊന്നുമില്ലാതെ പതുക്കെ ഫോൾഡ് ചെയ്തെടുക്കുക.

കപ്പ്കേക്ക് ലൈനറുകളിൽ മുക്കാൽ ഭാഗം (¾) മാത്രം വരുന്ന രീതിയിൽ ബാറ്റർ ഒഴിക്കുക. 180°C (350°F) ൽ പ്രീഹീറ്റ് ചെയ്ത അവ്നിൽ 20–25 മിനിറ്റ് ബേക്ക് ചെയ്തെടുക്കാം (നടുവിൽ ഒരു ടൂത്ത്പിക്ക് കുത്തിനോക്കുമ്പോൾ ഡ്രൈ ആയി വരണം). ബേക്ക് ചെയ്ത ശേഷം ഇവ നന്നായി തണുക്കാൻ വെക്കുക.

കപ്പ്കേക്ക് തണുത്തു വരുമ്പോഴേക്കും 200 g ക്രീം ചീസ്, 60 g ഹെവി ക്രീം (33–35% fat), 50 g പൊടിച്ച പഞ്ചസാര എന്നിവ ഒരുമിച്ച് ചേർത്ത് നല്ല ക്രീമിയായി സ്റ്റിഫ് ആകുന്നതുവരെ ബീറ്റ് ചെയ്തെടുക്കുക.

ഫ്രോസ്റ്റിംഗ് ഒരു സ്റ്റാർ നോസിൽ ഇട്ട പൈപ്പിംഗ് ബാഗിലേക്ക് മാറ്റുക. തണുത്ത കപ്പ്കേക്കുകൾക്ക് മുകളിലായി ഇത് പൈപ്പ് ചെയ്ത് ഭംഗിയുള്ള ക്രിസ്മസ് സ്പ്രിങ്കിൾസ് വിതറി അലങ്കരിക്കാം.