చాక్లెట్ లావా కుకీస్

ముందుగానే ఫిల్లింగ్ సిద్ధం చేసుకోవాలి. 240 g చాక్లెట్ స్ప్రెడ్‌ను 12 భాగాలుగా చేసి, పార్చ్‌మెంట్ పేపర్‌పై పైపింగ్ బ్యాగ్ లేదా స్పూన్‌తో వేయండి. కనీసం 1 గంట పాటు డీప్ ఫ్రిజ్‌లో గడ్డకట్టనివ్వండి.

100 g హేజెల్ నట్స్‌ను జిప్‌లాక్ బ్యాగ్‌లో ఉంచి, చపాతీ కర్రతో చిన్న ముక్కలుగా క్రష్ చేసుకోండి. 280 g పిండి, 1 tsp బేకింగ్ పౌడర్, ¼ tsp ఉప్పును జల్లించి, అందులో క్రష్ చేసిన నట్స్ వేసి కలపండి.

ఒక మిక్సింగ్ బౌల్‌లో 140 g వెన్న, 70 g పంచదార, 70 g బ్రౌన్ షుగర్ వేసి బీటర్‌తో బాగా కలపండి. తర్వాత 1 గుడ్డు, 1 tsp వెనీలా ఎసెన్స్ వేసి క్రీమీగా మారేలా బీట్ చేయండి. ఇప్పుడు ముందుగా కలిపిన పిండి మిశ్రమాన్ని వేసి చేతులతో మెత్తటి ముద్దలా కలపండి.

పిండిని 24 భాగాలుగా (ఒక్కొక్కటి 30 g) చేసి, గుండ్రని పూరీల్లా ఒత్తండి. పార్చ్‌మెంట్ పేపర్‌పై 12 పూరీలు ఉంచి, మధ్యలో ఫ్రోజెన్ చాక్లెట్ ముక్కను పెట్టండి. పైన మిగిలిన పిండి పూరీలతో మూసేసి, అంచులు ఊడిపోకుండా బాగా అదిమి గుండ్రటి కుకీ షేప్ ఇవ్వండి.

ముందుగా ప్రీహీట్ చేసిన ఒవెన్‌లో 180°C (350°F) వద్ద 15 నిమిషాలు, అంచులు లేత గోధుమ రంగు వచ్చేవరకు బేక్ చేయండి. ఎక్కువ సేపు బేక్ చేయవద్దు. పూర్తిగా చల్లారనివ్వండి.

50 g మిల్క్ చాక్లెట్‌ను కరిగించండి (నేను డబుల్ బాయిలర్ పద్ధతిలో చేస్తాను) — ఇది 6 కుకీలకు సరిపోతుంది. చాక్లెట్‌ను కుకీలపై రాసి, పైన హేజెల్ నట్ ముక్కలు చల్లి సెట్ అవ్వనివ్వండి.