సాఫ్ట్ కిస్‌మిస్ కేక్

ఒక గిన్నెలో శుభ్రం చేసిన 320 g కిస్‌మిస్‌లు వేసి, వేడినీళ్లు పోసి 15 నిమిషాలు మెత్తబడేవరకు నాననివ్వండి. ఈలోపు మరో గిన్నెలోకి 320 g మైదా పిండి, 1 tsp బేకింగ్ పౌడర్ మరియు ½ tsp ఉప్పును జల్లించి బాగా కలపండి.

నానిన కిస్‌మిస్‌లను జల్లెడలో వేసి నీటిని వడకట్టండి, తర్వాత వాటిని పిండి మిశ్రమంలో వేసి కిస్‌మిస్‌ల చుట్టూ పిండి బాగా పట్టేలా కలపండి.

ఒక వెడల్పాటి గిన్నెలో 220 g సాఫ్ట్ వెన్నను వేసి 5–7 నిమిషాల పాటు క్రీమ్‌లా మారేంతవరకు బీట్ చేయండి. ఇప్పుడు కొద్దికొద్దిగా 220 g పంచదార వేస్తూ మరో 5–7 నిమిషాలు బాగా బీట్ చేయండి, మిశ్రమం ప్లఫీగా మారాలి.

వేరొక గిన్నెలో 4 గుడ్లు, 1 tsp వెనిల్లా ఎసెన్స్ వేసి బాగా విస్క్ చేయండి. ఈ గుడ్ల మిశ్రమాన్ని కొద్దికొద్దిగా వెన్న మిశ్రమంలో వేస్తూ బాగా బీట్ చేయండి. మిశ్రమం నురుగులా ప్లఫీగా రావాలి.

ఇప్పుడు పిండితో కలిపిన కిస్‌మిస్‌లను ఇందులో వేసి స్పేట్యులాతో నెమ్మదిగా కట్ అండ్ ఫోల్డ్ పద్ధతిలో కలపండి.

బేకింగ్ పాన్‌కు కొద్దిగా నూనె రాసి పార్చ్‌మెంట్ పేపర్ వేయండి. కేక్ బ్యాటర్‌ను పాన్‌లో వేసి పైభాగాన్ని సమానంగా చేయండి.

ముందుగా ప్రీహీట్ చేసిన ఓవెన్‌లో 180°C (350°F) వద్ద 55–60 నిమిషాల పాటు బేక్ చేయండి. కేక్ మధ్యలో టూత్‌పిక్ గుచ్చి చూస్తే శుభ్రంగా బయటకు రావాలి.

కేక్‌ను పాన్‌లోనే 10–15 నిమిషాలు చల్లారనిచ్చి, ఆ తర్వాత వైర్ ర్యాక్‌పైకి తీసి పూర్తిగా చల్లారనివ్వండి. పైన టీ జల్లెడతో పంచదార పొడిని చల్లండి.