ஜாம் குக்கீஸ்

75 g மென்மையான வெண்ணெயுடன் 50 g பொடித்த சர்க்கரையை சேர்த்து 3–5 நிமிடங்கள் கிரீமியாக மாறும் வரை நன்கு பீட் செய்யவும். பிறகு முட்டையின் மஞ்சள் கரு மற்றும் ½ tsp வெண்ணிலா எசன்ஸ் சேர்த்து மேலும் ஒரு நிமிடம் பீட் செய்யவும். 135 g மைதா மாவு மற்றும் ¼ tsp உப்பு சேர்த்து சலித்து, ஸ்பேச்சுலா வைத்து மாவை மென்மையாக ஒன்று சேர்த்து பிசையவும்.

மாவை இரண்டு பார்ச்மென்ட் பேப்பர்களுக்கு இடையே வைத்து 5 mm (3/16 in) தடிமனுக்கு தேய்த்து, 30 நிமிடங்கள் ஃப்ரிட்ஜில் வைக்கவும்.

ஹார்ட் வடிவ குக்கீ கட்டர் கொண்டு ஒவ்வொரு குக்கீக்கும் மேல் மற்றும் கீழ் பகுதிகளை வெட்டி எடுக்கவும். வெட்டிய குக்கீகளை 5 நிமிடங்கள் ஃப்ரிட்ஜில் வைத்து, பின்னர் பார்ச்மென்ட் பேப்பர் விரித்த பேக்கிங் ட்ரேயில் மாற்றவும். மீதமுள்ள மாவை மீண்டும் மெதுவாக பிசைந்து தேய்த்து வெட்டவும். மாவு தீரும் வரை இதைத் தொடரவும்.

180°C (350°F) வெப்பநிலையில் 8–10 நிமிடங்கள் பேக் செய்யவும்; கருகிவிடாமல் பார்த்துக் கொள்ளுங்கள். கவனமாக எடுத்து கூலிங் ரேக்கில் வைத்து முழுமையாக ஆறவிடவும்.

30 g வெள்ளை சாக்லேட்டை உருக்கி, மேல் பகுதி குக்கீகளின் மீது மெல்லிய கோடுகளாக ஊற்றி அலங்கரிக்கவும். சாக்லேட் உறைவதற்குள் ஹார்ட் ஸ்பிரிங்க்லர்ஸை தூவி, பிறகு நன்கு செட் ஆக விடவும்.

கீழ் பகுதி குக்கீகளின் மேல் உங்களுக்கு பிடித்த ஜாமை (நான் ஸ்ட்ராபெர்ரி ஜாம் பயன்படுத்தினேன்) பைப்பிங் பேக் மூலம் வைத்து, மேல் பகுதியை வைத்து மூடி இணைக்கவும்.

அவ்வளவுதான் — பார்க்கவே மிக அழகாக, வாயில் கரையும் சுவையான ஜாம் ஹார்ட் குக்கீஸ் தயார்! உங்கள் காதலர், நண்பர்கள் அல்லது குடும்பத்தினருடன் பகிர்ந்து மகிழுங்கள். 😍