ஆப்பிள் பை

ஒரு பெரிய பாத்திரத்தில் 170 g மைதா மாவை சலித்துக் கொள்ளவும். அதில் 50 g சர்க்கரை மற்றும் ½ tsp பேக்கிங் பவுடர் சேர்த்து கலக்கவும். பின் 100 g குளிர்ந்த வெண்ணெயை சிறு துண்டுகளாக நறுக்கிச் சேர்த்து, மாவுடன் ரவை பதம் வரும் வரை விரல்களால் தேய்த்து கலக்கவும். அடுத்து முட்டை மற்றும் வெனிலா சேர்த்து மாவை பிசையவும்.

மாவை தட்டையான வட்ட வடிவமாக உருட்டி, பிளாஸ்டிக் ராப் செய்து 1 மணி நேரம் ஃப்ரிட்ஜில் வைக்கவும்.

ஒரு பை டிஷில் வெண்ணெய் தடவி, பிசைந்து வைத்துள்ள மாவை அடிப்பகுதியிலும் ஓரங்களிலும் சமமாக பரப்பி விடவும். ஃபில்லிங் தயாரிக்கும் வரை இந்த பாத்திரத்தை ஃப்ரிட்ஜில் வைக்கவும்.

ஒரு பாத்திரத்தில் 100 g மைதா மாவை சலித்துக் கொள்ளவும். அதனுடன் 100 g பாதாம் மாவு, 100 g சர்க்கரை மற்றும் ½ tsp உப்பு சேர்த்து கலக்கவும். 100 g குளிர்ந்த வெண்ணெய் துண்டுகளை சேர்த்து, விரல்களால் உதிரி உதிரியாக வரும் வரை கலக்கவும். இந்த பாத்திரத்தை க்ளிங் ஃபிலிம் போட்டு மூடி 1 மணி நேரம் ஃப்ரிட்ஜில் வைக்கவும்.

500 g ஆப்பிளின் தோலை நீக்கி, சிறு துண்டுகளாக நறுக்கவும். அதில் 100 g சர்க்கரை, 2 tbsp கார்ன்ஃப்ளவர் மற்றும் ½ tsp இலவங்கப்பட்டை தூள் சேர்த்து நன்றாகக் கிளறவும்.

தயாராக உள்ள மாவின் மேல் ஆப்பிள் கலவையை சீராக பரப்பவும். அதன் மேல் செய்து வைத்துள்ள பாதாம் க்ரம்பிளை முழுவதுமாக தூவி விடவும்.

முன்பே சூடாக்கப்பட்ட அவன்-இல் (Oven) 180°C (350°F) வெப்பநிலையில் 40–45 நிமிடங்கள் பேக் செய்யவும். பின்னர் நன்றாக ஆறவிடவும்.