ஹேசல்நட் சாக்லேட் குக்கீஸ்

ஃபில்லிங்கை முதலிலேயே தயார் செய்துவிட வேண்டும். 240 g chocolate spread-ஐ 12 சம பாகங்களாகப் பிரித்து பார்ச்மென்ட் பேப்பரில் பைப்பிங் பேக் அல்லது ஸ்பூன் கொண்டு வைக்கவும். இதை குறைந்தது 1 மணி நேரம் ஃபிரீசரில் வைக்கவும்.

ஒரு ஜிப்லாக் பையில் 100 g ஹேசல்நட்ஸ் சேர்த்து, சப்பாத்திக் கட்டையால் லேசாக இடித்துக் கொள்ளவும். 280 g மாவுடன் 1 tsp பேக்கிங் பவுடர் மற்றும் ¼ tsp உப்பு சேர்த்து சலித்து, பொடித்த நட்ஸையும் சேர்த்து கலக்கவும்.

ஒரு பாத்திரத்தில் 140 g சாஃப்ட் வெண்ணெய், 70 g சர்க்கரை மற்றும் 70 g நாட்டுச் சர்க்கரை சேர்த்து பீட்டர் கொண்டு நன்கு கலக்கவும். பிறகு 1 முட்டை, 1 tsp வெண்ணிலா எசன்ஸ் சேர்த்து கிரீமியாகும் வரை அடிக்கவும். அடுத்து உலர் பொருட்களைச் சேர்த்து பிசைந்து உருண்டையாக உருட்டவும்.

மாவை 24 உருண்டைகளாக (தலா 30 g) உருட்டி, தட்டையாக தட்டிக் கொள்ளவும். 12 தட்டைகளின் நடுவில் ஃப்ரீஸ் செய்த சாக்லேட் உருண்டையை வைத்து, மீதமுள்ள 12 தட்டைகளால் மூடி ஓரங்களை நன்றாக ஒட்டவும்.

முன்னதாக சூடாக்கிய அவனில் (preheated oven) 180°C (350°F) வெப்பநிலையில் 15 நிமிடங்கள் ஓரங்கள் லேசாக பொன்னிறமாகும் வரை பேக் செய்யவும். அதிக நேரம் பேக் செய்ய வேண்டாம். நன்கு ஆறவிடவும்.

50 g மில்க் சாக்லேட்டை உருக்கி (டபுள் பாய்லர் முறையில்), 6 குக்கீகள் மீது தடவி, பொடித்த ஹேசல்நட்ஸ் தூவி செட் ஆக விடவும்.