நோ பேக் சாக்லேட் சீஸ்கேக்

ஒரு ஜிப்லாக் கவரில் 160 g சாக்லேட் பிஸ்கட்டுகளைச் சேர்த்து சப்பாத்திக் கட்டையால் நைஸாகப் பொடித்துக் கொள்ளவும். இதனுடன் 50 g உருகிய வெண்ணெய் சேர்த்து நன்றாகக் கலந்து கொள்ளவும்.

ஒரு ஸ்பிரிங்ஃபார்ம் பேனின் அடியில் பார்ச்மென்ட் பேப்பர் விரித்து, பக்கவாட்டுகளில் வெண்ணெய் தடவவும். இது சீஸ்கேக்கை உடையாமல் எளிதாக எடுக்க உதவும்.

பொடித்த பிஸ்கட் கலவையை பேனில் கொட்டி, தட்டையான டம்ளரால் நன்கு அழுத்தி சமப்படுத்தவும். ஃபில்லிங் செய்யும் வரை இதை ஃப்ரிட்ஜில் வைக்கவும்.

ஒரு பாத்திரத்தில் 700 g கிரீம் சீஸ் மற்றும் 350 g ஹெவி கிரீம் சேர்த்து கலக்கவும்.

350 g ஒயிட் சாக்லேட்டை உருக்கி (டபுள் பாய்லிங் அல்லது மைக்ரோவேவில்), ½ tsp வெண்ணிலா எசன்ஸுடன் கிரீம் சீஸ் கலவையில் சேர்க்கவும். நன்றாகக் கலந்த பின், இதில் மூன்றில் இரண்டு (2/3) பங்கு கலவையை பிஸ்கட் பேஸ் மீது ஊற்றி சமப்படுத்தவும்.

60 g டார்க் சாக்லேட்டை உருக்கி, மீதமுள்ள ஃபில்லிங் கலவையில் சேர்த்து நன்கு கலக்கவும். இதை வெள்ளை லேயரின் மேல் ஊற்றி சமமாகப் பரப்பவும்.

சீஸ்கேக் நன்றாக செட் ஆகும் வரை, குறைந்தது 5 மணி நேரம் அல்லது இரவு முழுவதும் ஃப்ரிட்ஜில் வைக்கவும்.