கிறிஸ்துமஸ் ஃப்ரூட் கேக்

ஒரு பாத்திரத்தில் நறுக்கிய ப்ரூன்ஸ் 350 g, உலர் திராட்சை 200 g, உலர்ந்த கிரான்பெர்ரி 200 g, வெண்ணெய் 200 g, பிரவுன் சுகர் 200 g, 2 ஆரஞ்சு பழங்களின் சாறு மற்றும் துருவல் (180 g), தேன் 200 g, டார்க் ரம் 100 g, கொக்கோ பவுடர் 2 tbsp, பட்டைத்தூள் 1 tsp மற்றும் ஜாதிக்காய்த்தூள் ¼ tsp ஆகியவற்றை ஒன்றாகச் சேர்க்கவும்.

இந்தக் கலவையை நன்கு கொதிக்க வைத்து, மிதமான தீயில் 15 minutes வரை லேசாகக் கெட்டியாகும் வரை வேகவிடவும். பிறகு அடுப்பை அணைத்துவிட்டு முழுமையாக ஆறவிடவும்.

மற்றொரு பாத்திரத்தில் மாவு 150 g, பாதாம் மாவு 75 g, பேக்கிங் சோடா ½ tsp, பேக்கிங் பவுடர் ½ tsp மற்றும் உப்பு ¼ tsp ஆகியவற்றைச் சேர்த்து நன்றாகக் கலந்து தனியாக வைக்கவும்.

3 முட்டைகளுடன் வெண்ணிலா எசன்ஸ் ½ tsp சேர்த்து லேசாக அடிக்கவும், பிறகு ஆறிய பழக் கலவையைச் சேர்த்து நன்கு கலக்கவும். பின்னர் இதில் கலந்து வைத்துள்ள மாவை சிறிது சிறிதாகச் சேர்த்து மெதுவாக ஒரே திசையில் மடித்துக் கலக்கிக் கொள்ளவும் (fold).

பேக்கிங் பேனில் வெண்ணெய் தடவி, சிறிது மாவைத் தூவி தயார் செய்யவும். இதில் கேக் மாவை ஊற்றி, முன்கூட்டியே சூடாக்கப்பட்ட ஓவனில் 165°C (325°F) வெப்பநிலையில் 60–70 minutes வரை பேக் செய்யவும். நடுவில் டூத்பிக் அல்லது குச்சி விட்டுப் பார்க்கும்போது சுத்தமாக வர வேண்டும். கேக்கை முழுமையாக ஆறவிடவும்.

100 g ஒயிட் சாக்லேட்டை உருக்கி, கேக்கின் மேல் பரப்பவும். பிரெஷ் ரோஸ்மேரி இலைகளால் அலங்கரித்து, பனிப்பொழிவு போலத் தெரிய 15 g பொடித்த சர்க்கரையைத் தூவவும்.