ப்ளூபெர்ரி பாப்கா பிரெட்

ஒரு பாத்திரத்தில் 160 g ப்ளூபெர்ரி, 80 g சர்க்கரை, 1 tbsp சோள மாவு மற்றும் 20 g தண்ணீர் சேர்த்து கலக்கவும். மிதமான தீயில் வைத்து, கைவிடாமல் கிளறவும். கொதிக்க ஆரம்பித்ததும் 5 நிமிடங்கள் கெட்டியாகும் வரை கிளறி இறக்கி, நன்றாக ஆறவிடவும்.

ஒரு அகலமான பாத்திரத்தில் 250 g மாவு, 1½ tsp ட்ரை ஈஸ்ட், 50 g சர்க்கரை மற்றும் ¼ tsp உப்பு சேர்த்து கலக்கவும். இதில் 30°C (86°F) சூடுள்ள 150 g பால் மற்றும் 50 g சாஃப்ட் வெண்ணெய் சேர்த்து நன்றாக பிசையவும். க்ளிங் ஃபிலிம் போட்டு மூடி, ஒரு மிதமான சூடான இடத்தில் 30 நிமிடங்கள் வைக்கவும்.

பிறகு மாவை 7–10 நிமிடங்கள் மென்மையாகவும் மிருதுவாகவும் வரும் வரை நன்கு பிசையவும். லேசாக எண்ணெய் தடவிய பாத்திரத்தில் மாவை வைத்து, க்ளிங் ஃபிலிம் கொண்டு மூடி, மாவு இரண்டு மடங்கு உப்பி வரும் வரை 1½–2 மணி நேரம் வைக்கவும்.

உப்பிய மாவை செவ்வக வடிவில் உருட்டவும். ஆறிய ப்ளூபெர்ரி ஃபில்லிங்கை ஓரங்களில் சிறிதளவு இடைவெளி விட்டு சமமாக பரப்பவும். பிறகு மாவை உருளை போல சுருட்டி, ஓரங்களை நன்றாக ஒட்டிவிடவும்.

சுருட்டிய மாவை நீளவாக்கில் இரண்டு பகுதிகளாக வெட்டி, வெட்டிய பகுதி மேல்நோக்கி இருக்குமாறு ஜடை போல பின்னவும். வெண்ணெய் தடவிய பேக்கிங் பேனில் வைத்து, க்ளிங் ஃபிலிம் போட்டு மூடி மீண்டும் 30–40 நிமிடங்கள் ஊறவிடவும்.

விருப்பப்பட்டால் மேலே பாதாம் சீவல்களை தூவவும். முன்கூட்டியே சூடாக்கப்பட்ட அவன்-இல் 180°C (350°F) வெப்பநிலையில் 25–30 நிமிடங்கள் பொன்னிறமாகும் வரை பேக் செய்யவும். நன்றாக ஆறும் வரை பேக்கிங் பேனிலேயே வைக்கவும்.

நன்றாக ஆறியதும் மெதுவாக எடுத்து, துண்டுகளாக்கி பரிமாறுங்கள்! 🫐