क्रंची ॲपल पाय

एका मोठ्या बाऊलमध्ये 170 g पीठ चाळून घ्या. त्यात 50 g साखर आणि ½ tsp बेकिंग पावडर घालून मिक्स करा. नंतर 100 g थंड बटरचे लहान तुकडे घाला आणि बोटांनी चोळून पीठ ब्रेडक्रंब्ससारखे होईपर्यंत मिक्स करा. आता अंडे आणि व्हॅनिला घालून हलक्या हाताने गोळा बनवा.

कणकेचा चपटा गोळा करून क्लिंग रॅपमध्ये गुंडाळा आणि 1 तास फ्रिजमध्ये ठेवा.

पाय डिशला थोडे बटर लावून ग्रीस करा. तयार कणिक डिशच्या तळाशी आणि बाजूला हाताने एकसारखी पसरवून घ्या. फिलिंग तयार होईपर्यंत ही डिश फ्रिजमध्ये ठेवा.

एका बाऊलमध्ये 100 g पीठ चाळून घ्या. त्यात 100 g बदामाचे पीठ, 100 g साखर आणि ½ tsp मीठ घालून एकत्र करा. आता 100 g थंड बटरचे तुकडे घालून बोटांनी चोळून क्रंबलसारखे मिश्रण बनवा. बाऊल झाकून 1 तास फ्रिजमध्ये ठेवा.

500 g सफरचंदांची साले काढून बारीक तुकडे करा. त्यात 100 g साखर, 2 tbsp कॉर्नस्टार्च आणि ½ tsp दालचिनी पूड घालून व्यवस्थित एकत्र करा.

पाय डिशमधील कणकेवर सफरचंदाचे मिश्रण एकसारखे पसरवा. त्यावर बदाम क्रंबलचे मिश्रण सर्व बाजूंनी व्यवस्थित पसरावा.

आधीच गरम केलेल्या ओव्हनमध्ये 180°C (350°F) वर 40–45 मिनिटे बेक करा. पूर्णपणे गार होऊ द्या.