पिनट बटर कुकीज विथ क्रीम चीज फिलिंग

एका मोठ्या बाऊलमध्ये 80 g मऊ बटर, 120 g क्रंची पिनट बटर, 100 g साखर, 50 g ब्राऊन शुगर, अंडे आणि 1 tsp व्हॅनिला एकत्र फेटून घ्या. झटपट होण्यासाठी तुम्ही मिक्सर किंवा व्हिस्क वापरू शकता.

मिश्रणात 180 g पीठ, ½ tsp बेकिंग पावडर आणि ¼ tsp मीठ चाळून घाला आणि मऊ होईपर्यंत व्यवस्थित एकत्र करा.

एका लहान बाऊलमध्ये 150 g क्रीम चीज आणि 50 g साखर नीट एकत्र मिसळून घ्या.

पिठाचे 14 समान भाग करा (प्रत्येकी साधारण 40 g). त्यातील 7 भाग गोलाकार चपटे करा आणि बेकिंग ट्रेवर बटर पेपर ठेवून त्यावर ठेवा. प्रत्येक भागावर समान प्रमाणात फिलिंग ठेवा (साधारण 25–30 g).

उरलेले 7 भागही चपटे गोल करून फिलिंगवर झाका. बाजूच्या कडा व्यवस्थित बंद करा आणि पेढ्यासारखा आकार द्या.

कुकीजच्या वर खारे शेंगदाणे हलके दाबा. 180°C (350°F) वर प्रीहीट केलेल्या ओव्हनमध्ये 10–12 मिनिटे कडा किंचित ब्राऊन होईपर्यंत बेक करा.

कुकीज पूर्णपणे थंड झाल्यावर त्यावर वितळवलेले मिल्क चॉकलेट ड्रिझल करा.