സോഫ്റ്റ് ലെമൺ കേക്ക്

മുട്ടയുടെ വെള്ളയും മഞ്ഞക്കരുവും വേർതിരിച്ച് വെള്ള മാറ്റിവെക്കുക. മഞ്ഞക്കരുവിലേക്ക് 100 g പഞ്ചസാര ചേർത്ത് നന്നായി പതഞ്ഞു മൃദുവാകുന്നതുവരെ ബീറ്റ് ചെയ്യുക.

ഇതിലേക്ക് 70 g പാൽ, 40 g സോഫ്റ്റ് ബട്ടർ, 40 g ഓയിൽ (സൺഫ്ലവർ ഓയിലോ ഗ്രേപ് സീഡ് ഓയിലോ ഉപയോഗിക്കാം) എന്നിവ ചേർത്ത് നന്നായി യോജിപ്പിക്കുക.

130 g മൈദ, 35 g കോൺഫ്ലോർ, ബേക്കിംഗ് പൗഡർ, ബേക്കിംഗ് സോഡ എന്നിവ ഇതിലേക്ക് അരിച്ച് ചേർത്ത് കട്ടകളൊന്നുമില്ലാതെ മിക്സ് ചെയ്യുക.

രണ്ട് നാരങ്ങയുടെ തൊലി ചിരകിയതും 40 g നാരങ്ങാനീരും ബാറ്ററിലേക്ക് ചേർത്ത് ഇളക്കുക.

മാറ്റിവെച്ച രണ്ട് മുട്ടയുടെ വെള്ള ഒരു നുള്ള് ഉപ്പ് ചേർത്ത് നല്ല കട്ടിയുള്ള പതയാകുന്നത് വരെ ബീറ്റ് ചെയ്യുക. ഇത് കേക്ക് ബാറ്ററിലേക്ക് ചേർത്ത് പതിയെ ഫോൾഡ് ചെയ്ത് എടുക്കുക (എയർ പോകാതിരിക്കാൻ ശ്രദ്ധിക്കുക).

ബേക്കിംഗ് ടിന്നിൽ അല്പം എണ്ണയോ ബട്ടറോ തടവി പാർച്ച്മെന്റ് പേപ്പർ വെച്ച ശേഷം ബാറ്റർ ഒഴിക്കുക. 180°C (350°F) ൽ പ്രീഹീറ്റ് ചെയ്ത അവ്നിൽ 40–45 മിനിറ്റ് ബേക്ക് ചെയ്യുക. വെന്ത ശേഷം പുറത്തെടുത്ത് പൂർണ്ണമായും തണുക്കാൻ അനുവദിക്കുക.

🔹 ബേക്കിംഗ് ടിൻ തയ്യാറാക്കുന്ന വിധം ഈ വീഡിയോയിൽ കാണാം:

https://youtu.be/ySHoj0s3mGU?t=102

120 g പൊടിച്ച പഞ്ചസാരയിൽ 20 g നാരങ്ങാനീര് ചേർത്ത് മിക്സ് ചെയ്ത് ഉടനടി തണുത്ത കേക്കിന് മുകളിൽ ഒഴിച്ചു കൊടുക്കുക. മുകളിലായി അല്പം നാരങ്ങാത്തോട് ചിരകിയത് വിതറാം.