ചോക്ലേറ്റ് ബിസ്കോട്ടി

ഒരു വലിയ ബൗളിൽ 30 g വെജിറ്റബിൾ ഓയിൽ, 120 g പഞ്ചസാര, 1 tsp വാനില എക്സ്ട്രാക്റ്റ്, 1 മുട്ട, ¼ tsp ഉപ്പ് എന്നിവ ചേർത്ത് നന്നായി അടിച്ചെടുക്കുക. ഇതിലേക്ക് 160 g മൈദ, 15 g കൊക്കോ പൗഡർ, 5 g ബേക്കിംഗ് പൗഡർ എന്നിവ അരിച്ചിടുക. ശേഷം 100 g വറുത്ത ഹേസൽനട്ട്സ് ചേർത്ത് നല്ലൊരു മാവാക്കി കുഴച്ചെടുക്കുക.

മാവ് 2 തുല്യ ഭാഗങ്ങളാക്കി നീളത്തിൽ റോൾ ചെയ്തെടുക്കുക (log shape). പാർച്ച്മെന്റ് പേപ്പർ വെച്ച ബേക്കിംഗ് ട്രേയിലേക്ക് അല്പം അകലത്തിൽ ഇവ വെയ്ക്കുക. 180°C (350°F) ൽ പ്രീഹീറ്റ് ചെയ്ത ഓവനിൽ 20–25 മിനിറ്റ് ബേക്ക് ചെയ്തെടുക്കുക.

ഓവനിൽ നിന്ന് പുറത്തെടുത്ത് ചൂടോടെ തന്നെ കട്ടി കുറച്ച് സ്ലൈസുകളായി മുറിക്കുക. ഈ സ്ലൈസുകൾ ബേക്കിംഗ് ട്രേയിൽ നിരത്തി വെച്ച്, നല്ല ക്രിസ്പിയാകാൻ 180°C (350°F) ൽ വീണ്ടും 5 മിനിറ്റ് ബേക്ക് ചെയ്തെടുക്കുക.