റഷ്യൻ ഹണി കേക്ക്

ഒരു പാനിൽ 100 g ബട്ടർ, 100 g പഞ്ചസാര, 125 g തേൻ എന്നിവ ചേർത്ത് ചെറിയ തീയിൽ ഉരുകി യോജിക്കുന്നത് വരെ ഇളക്കുക. ശേഷം ഇതൊരു ബൗളിലേക്ക് മാറ്റുക.

ഇതിലേക്ക് 25 g റം അല്ലെങ്കിൽ ലിക്കർ ചേർത്ത് അല്പം തണുക്കാൻ വെക്കുക. ശേഷം 2 മുട്ടയുടെ മഞ്ഞക്കരു ചേർത്ത് നന്നായി യോജിപ്പിക്കുക.

300 g മൈദ, ബേക്കിംഗ് പൗഡർ, ബേക്കിംഗ് സോഡ, ഉപ്പ് എന്നിവ ഇതിലേക്ക് അരിച്ചൊഴിച്ച് കുഴച്ചെടുക്കുക.

തയ്യാറാക്കിയ മാവ് ക്ലിംഗ് ഫിലിമിൽ പൊതിഞ്ഞ്, വീഡിയോയിൽ കാണുന്നത് പോലെ പരത്തി 1 മണിക്കൂർ ഫ്രിഡ്ജിൽ വെക്കുക.

മാവ് 12 തുല്യ ഭാഗങ്ങളായി ഭാഗിക്കുക. ഓരോ ഭാഗവും രണ്ട് പാർച്ച്മെന്റ് പേപ്പറുകൾക്കിടയിൽ വെച്ച് പരത്തി ഫോർക്ക് ഉപയോഗിച്ച് കുത്തുക. ശേഷം പ്രീഹീറ്റ് ചെയ്ത അവ്നിൽ 200°C (400°F) ചൂടിൽ 2–3 മിനിറ്റ് ബേക്ക് ചെയ്യുക.

കേക്ക് ലെയറുകൾ തണുക്കുമ്പോഴേക്കും ഫ്രോസ്റ്റിംഗ് തയ്യാറാക്കാം. 600 g സോർ ക്രീമും 100 g പൊടിച്ച പഞ്ചസാരയും ചേർത്ത് രണ്ട് മിനിറ്റ് നന്നായി ബീറ്റ് ചെയ്തെടുക്കുക.

ഇനി കേക്ക് സെറ്റ് ചെയ്യാം. ഒരു ലെയർ വെച്ച് അതിനുമുകളിൽ സോർ ക്രീം പുരട്ടുക, അടുത്ത ലെയർ വെക്കുക. ഇങ്ങനെ എല്ലാ ലെയറുകളും ചെയ്തെടുക്കുക.

എല്ലാ ലെയറുകളും വെച്ചുകഴിഞ്ഞാൽ കേക്ക് ക്ലിംഗ് ഫിലിം കൊണ്ട് പൊതിഞ്ഞ്, കേക്ക് റിംഗ് വെച്ച് ചെറുതായി പ്രസ് ചെയ്ത് 8 മണിക്കൂറോ അല്ലെങ്കിൽ ഒരു രാത്രി മുഴുവനായോ ഫ്രിഡ്ജിൽ വെക്കുക. ഇതോടെ കേക്ക് സോഫ്റ്റായി മാറും.

കേക്ക് ലെയറുകൾ മുറിച്ചപ്പോൾ ബാക്കി വന്ന കഷണങ്ങൾ മിക്സിയിലോ ഫുഡ് പ്രൊസസ്സറിലോ ഇട്ട് നന്നായി പൊടിച്ചെടുക്കുക. കേക്ക് ഫ്രിഡ്ജിൽ നിന്ന് എടുത്ത് റിംഗും ക്ലിംഗ് ഫിലിമും മാറ്റുക. സ്പാറ്റുല ഉപയോഗിച്ച് കേക്കിന്റെ എല്ലാ വശത്തും ഈ പൊടി ഒട്ടിച്ചെടുക്കുക.