ಕ್ರಂಚಿ ನಟ್ ಕುಕೀಸ್

ಒಂದು ದೊಡ್ಡ ಪಾತ್ರೆಗೆ 140 g ಹಿಟ್ಟು, 30 g ಸಕ್ಕರೆ ಪುಡಿ ಮತ್ತು ½ tsp ಬೇಕಿಂಗ್ ಪೌಡರ್ ಅನ್ನು ಜರಡಿ ಹಿಡಿದು ಹಾಕಿ. ಇದಕ್ಕೆ ¼ tsp ಉಪ್ಪು ಸೇರಿಸಿ ಚೆನ್ನಾಗಿ ಬೆರೆಸಿ.

60 g ತಣ್ಣನೆಯ ಬೆಣ್ಣೆಯನ್ನು ಹಿಟ್ಟಿಗೆ ತುರಿದು ಹಾಕಿ, ರವೆ ಹದ ಬರುವವರೆಗೆ ಕೈಯಿಂದ ಚೆನ್ನಾಗಿ ತಿಕ್ಕಿ. ನಂತರ ಮೊಟ್ಟೆ ಮತ್ತು ವೆನಿಲ್ಲಾ ಎಸೆನ್ಸ್ ಸೇರಿಸಿ ಹಿಟ್ಟಿನ ಹದಕ್ಕೆ ತಂದುಕೊಳ್ಳಿ. ಹಿಟ್ಟನ್ನು ತಟ್ಟೆಯಾಕಾರದಲ್ಲಿ ತಟ್ಟಿ, ಕ್ಲಿಂಗ್ ರಾಪ್ ಮಾಡಿ 1 ಗಂಟೆ ಫ್ರಿಡ್ಜ್‌ನಲ್ಲಿಡಿ.

ಬೇಕಿಂಗ್ ಪಾತ್ರೆಯಲ್ಲಿ 40 g ಹ್ಯಾಸಲ್ನಟ್, 40 g ವಾಲ್ನಟ್ ಮತ್ತು 40 g ಬಾದಾಮಿಯನ್ನು ಹಾಕಿ. 150°C (300°F) ಪ್ರಿಹೀಟ್ ಮಾಡಿದ ಓವನ್‌ನಲ್ಲಿ 20 ನಿಮಿಷ ಹುರಿದು, ನಂತರ ತಣ್ಣಗಾಗಲು ಬಿಡಿ.

ತಣ್ಣಗಾದ ನಂತರ ನಟ್ಸ್ ಸಿಪ್ಪೆ ತೆಗೆದು ಸಣ್ಣಗೆ ಹೆಚ್ಚಿಕೊಳ್ಳಿ. ಇನ್ನೊಂದು ಬಟ್ಟಲಿನಲ್ಲಿ ಈ ಹೆಚ್ಚಿದ ನಟ್ಸ್, 100 g ಸಕ್ಕರೆ ಮತ್ತು 30 g ಮೃದುವಾದ ಬೆಣ್ಣೆಯನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ.

ಫ್ರಿಡ್ಜ್‌ನಲ್ಲಿಟ್ಟ ಹಿಟ್ಟನ್ನು ಹೊರತೆಗೆದು ಆಯತಾಕಾರದಲ್ಲಿ ಲಟ್ಟಿಸಿ. ಹಿಟ್ಟಿನ ಅಂಚುಗಳನ್ನು ಬಿಟ್ಟು, ನಟ್ ಮಿಶ್ರಣವನ್ನು ಹಿಟ್ಟಿನ ಮೇಲೆ ಸಮನಾಗಿ ಹರಡಿ. ನಂತರ ಹಿಟ್ಟನ್ನು ಗಟ್ಟಿಯಾಗಿ ರೋಲ್ (ಲಾಗ್) ಮಾಡಿ ಮತ್ತೆ 1 ಗಂಟೆ ಫ್ರಿಡ್ಜ್‌ನಲ್ಲಿಡಿ.

ರೋಲ್ ಮಾಡಿದ ಹಿಟ್ಟನ್ನು 1 cm (½ in) ದಪ್ಪದ ತುಂಡುಗಳಾಗಿ ಕತ್ತರಿಸಿ. ಪಾರ್ಚ್‌ಮೆಂಟ್ ಪೇಪರ್ ಇಟ್ಟ ಬೇಕಿಂಗ್ ಟ್ರೇನಲ್ಲಿ ಸ್ವಲ್ಪ ಜಾಗ ಬಿಟ್ಟು ಜೋಡಿಸಿ. 180°C (350°F) ಪ್ರಿಹೀಟ್ ಮಾಡಿದ ಓವನ್‌ನಲ್ಲಿ 12–15 ನಿಮಿಷ ಲೈಟ್ ಬ್ರೌನ್ ಬಣ್ಣ ಬರುವವರೆಗೆ ಬೇಕ್ ಮಾಡಿ. ನಂತರ ಸಂಪೂರ್ಣವಾಗಿ ತಣ್ಣಗಾಗಲು ಬಿಡಿ.

20 g ಮಿಲ್ಕ್ ಚಾಕೊಲೇಟ್ ಅನ್ನು ಪೈಪಿಂಗ್ ಬ್ಯಾಗ್‌ನಲ್ಲಿ ಹಾಕಿ ಬಿಸಿ ನೀರಿನ ಲೋಟದಲ್ಲಿ ಇಡಿ; ಚಾಕೊಲೇಟ್ ಬೇಗನೆ ಕರಗುತ್ತದೆ. ಬ್ಯಾಗ್‌ನ ತುದಿಯನ್ನು ಸಣ್ಣದಾಗಿ ಕತ್ತರಿಸಿ, ಕುಕೀಸ್ ಮೇಲೆ ಚಾಕೊಲೇಟ್ ಡ್ರಿಝಲ್ ಮಾಡಿ ಸೆಟ್ ಆಗಲು ಬಿಡಿ.