ატმის გალეტი

გაცერით 200 გ ფქვილი, დაუმატეთ 30 გ შაქარი და მწიკვი მარილი. კარგად აურიეთ.

გახეხეთ 100 გ ცივი კარაქი და ფქვილთან ერთად ხელით სწრაფად აქციეთ ნაფხვენად.

70 გ ცივ წყალს შეურიეთ ვანილი, დაასხით ფქვილის მასას და სწრაფად შეკარით ცომი.

შეახვიეთ ცომი საკვებ პარკში, ოდნავ გააბრტყელეთ და შედგით მაცივარში 30 წუთით.

გაჭერით 500 გ ატამი შუაზე, შემდეგ თითოეული ნახევარი დაჭერით 4 ნაჭრად. წვრილად დაჭერით 20 გ ნუში.

საცხობ ქაღალდს მოაყარეთ ცოტა ფქვილი და გააბრტყელეთ ცომი მრგვლად. ცომს მოაყარეთ 15 გ სიმინდის სახამებელი ისე, რომ კიდეები თავისუფალი დარჩეს. ლამაზად, წრიულად დაალაგეთ ატმის ნაჭრები.

ატამს მოაყარეთ 70 გ შაქარი და დაჭრილი ნუში. ფრთხილად შემოუკეცეთ ცომის კიდეები და ოდნავ დააწექით.

გალეტის კიდეებს უხვად მოაყარეთ შაქარი და გამოაცხვეთ 190°C (375°F) გახურებულ ღუმელში 45–50 წუთის განმავლობაში.