ચોકલેટ લવા કૂકીઝ

ફિલિંગ પહેલાથી જ તૈયાર કરી લો. 240 g ચોકલેટ સ્પ્રેડમાંથી સરખા 12 ભાગ પાડીને પાઈપિંગ બેગ અથવા ચમચી વડે બટર પેપર (પાર્ચમેન્ટ પેપર) પર મૂકો. તેને ઓછામાં ઓછા 1 કલાક માટે ફ્રીઝરમાં સેટ થવા દો.

100 g હેઝલનટ્સને ઝિપલોક બેગમાં ભરી, સરખી રીતે બંધ કરી વેલણ વડે અધકચરા વાટી લો. એક બાઉલમાં 280 g લોટ, 1 tsp બેકિંગ પાવડર અને ¼ tsp મીઠું ચાળી લો, પછી તેમાં વાટેલા નટ્સ ઉમેરી મિક્સ કરી લો.

એક મોટા બાઉલમાં, 140 g નરમ માખણ, 70 g ખાંડ અને 70 g બ્રાઉન શુગરને બીટર વડે બરાબર મિક્સ કરો. હવે તેમાં 1 ઈંડું અને 1 tsp વેનીલા એસેન્સ ઉમેરી સરસ રીતે ફેંટી લો. હવે તેમાં સૂકી સામગ્રી ઉમેરી મિક્સ કરો અને હાથ વડે લોટનો ગોળો વાળી લો.

ડો માંથી 24 સરખા લુઆ (દરેક 30 g) બનાવો અને દરેકને પૂરી જેવો આકાર આપો. બટર પેપર પર 12 પૂરી મૂકો, દરેકની વચ્ચે ફ્રીઝ કરેલી ચોકલેટ ફિલિંગ મૂકો અને બાકીની પૂરીઓથી તેને ઢાંકી દો. કિનારીઓ સરખી રીતે સીલ કરી, કૂકી જેવો ગોળ આકાર આપી દો.

પ્રીહીટ કરેલા ઓવનમાં 180°C (350°F) પર 15 મિનિટ માટે બેક કરો, જ્યાં સુધી કિનારીઓ આછી ગુલાબી-બદામી ન થાય. વધારે પડતી બેક ન થાય તેનું ધ્યાન રાખવું. કૂકીઝને પૂરેપૂરી ઠંડી થવા દો.

50 g મિલ્ક ચોકલેટ ઓગાળી લો (હું ગરમ પાણી ઉપર વાટકો મૂકીને ડબલ બોઈલરમાં મેલ્ટ કરું છું) — આ માપ 6 કૂકીઝ માટે પૂરતું છે. દરેક કૂકી પર ચોકલેટ લગાવો, ઉપર ઝીણા સમારેલા હેઝલનટ્સ ભભરાવો અને ચોકલેટને સેટ થવા દો.