બ્લેકબેરી મફિન્સ

એક નાના બાઉલમાં 30 g મેંદો, 20 g ખાંડ અને 20 g ઠંડુ માખણ લો. આંગળીઓની મદદથી તેને મસળીને બ્રેડક્રમ્બ્સ જેવું ક્રમ્બલી ટેક્સચર બનાવી લો. પછી ફ્રિજમાં મૂકી દો.

100 g સોફ્ટ માખણ અને 150 g ખાંડને 5 મિનિટ માટે સરસ ફ્લફી અને હલકું થાય ત્યાં સુધી ફેંટી લો. હવે તેમાં 2 ઈંડા, 1 tsp વેનીલા એસેન્સ અને ½ tsp મીઠું ઉમેરીને બરાબર મિક્સ કરી લો.

તેમાં 200 g મેંદો અને 1 tsp બેકિંગ પાવડર ચાળીને ઉમેરો અને હળવા હાથે મિક્સ કરો. ત્યારબાદ 100 g દૂધ ઉમેરીને સ્મૂધ બેટર તૈયાર કરો.

200 g બ્લેકબેરીમાં 1 tbsp કોર્નસ્ટાર્ચ ઉમેરીને સારી રીતે કોટ કરી લો, અને પછી તેને હળવા હાથે બેટરમાં ફોલ્ડ (મિક્સ) કરી લો.

12 મફિન લાઇનર્સમાં બેટર સરખા ભાગે ભરી દો અને ઉપર તૈયાર કરેલું સ્ટ્રુઝલ ભભરાવો. 180°C (350°F) પર પ્રી-હીટ કરેલા ઓવનમાં 20–25 મિનિટ માટે ગોલ્ડન થાય ત્યાં સુધી બેક કરો (ટૂથપિક વચ્ચે નાખીને ચેક કરી લો, તે સાફ બહાર આવવી જોઈએ). મફિન્સ સહેજ ઠંડા થાય પછી સર્વ કરો.