સરળ ક્રિસમસ ફ્રૂટ કેક

એક વાસણમાં 350 g ઝીણા સમારેલા પ્રુન્સ, 200 g કિસમિસ, 200 g સૂકી ક્રેનબેરી, 200 g માખણ, 200 g મસ્કોવાડો ખાંડ (અથવા બ્રાઉન શુગર), 2 સંતરાનો રસ અને છીણ (180 g), 200 g મધ, 100 g ડાર્ક રમ, 2 tbsp કોકો પાવડર, 1 tsp તજનો પાવડર અને ¼ tsp જાયફળ પાવડર ભેગા કરો.

આ મિશ્રણને ઉકાળો અને પછી ધીમી આંચ પર 15 મિનિટ ઘટ્ટ થાય ત્યાં સુધી પકવો. ત્યારપછી તેને સંપૂર્ણપણે ઠંડુ થવા દો.

એક અલગ બાઉલમાં 150 g લોટ, 75 g બદામનો લોટ (અથવા ઝીણી સમારેલી બદામ), ½ tsp બેકિંગ સોડા, ½ tsp બેકિંગ પાવડર અને ¼ tsp મીઠું મિક્સ કરીને બાજુ પર રાખો.

3 ઈંડાને ½ tsp વેનીલા એસેન્સ સાથે હળવા હાથે ફેંટી લો, પછી તેમાં ઠંડુ થયેલું ફ્રૂટ્સનું મિશ્રણ ઉમેરી બરાબર મિક્સ કરો. હવે ધીમે-ધીમે લોટનું મિશ્રણ ઉમેરતા જઈ સરખી રીતે ફોલ્ડ કરી લો.

કેક ટીનને ઘી/તેલ લગાવી થોડો લોટ છાંટીને ગ્રીસ કરો. તૈયાર બેટર તેમાં રેડો અને પહેલાથી ગરમ કરેલા ઓવનમાં 165°C (325°F) પર 60–70 મિનિટ માટે બેક કરો, જ્યાં સુધી ટૂથપિક કે સીંક સાફ બહાર ન આવે. કેકને સરખી રીતે ઠંડી થવા દો.

100 g વ્હાઇટ ચોકલેટ ઓગાળીને કેક પર ફેલાવો. તાજી રોઝમેરીથી સજાવો અને સ્નો જેવો લુક આપવા માટે ઉપર 15 g દળેલી ખાંડ છાંટો.