Qozlu Rulet Bulka

100 q südü 30°C (86°F) dərəcəyə qədər ilıqlaşdırıb dərin bir qaba tökün. 1½ ç. q. quru maya (və ya 12 q yaş maya), ½ ç. q. şəkər tozu və 100 q ələnmiş un əlavə edin. Yaxşıca qarışdırın, üzərini streç sellofanla örtüb 40 dəqiqə isti yerdə saxlayın.

Mayalanmış kütləyə 50 q şəkər tozu, 40 q duru yağ, 1 ədəd yumurta və ¼ ç. q. duz əlavə edin. Yaxşıca qarışdırın, sonra 180 q unu ələkdən keçirərək tökün. Xəmiri 10–15 dəqiqə yoğurun.

Xəmiri duru yağla yağlanmış dərin qaba qoyun, üzərini örtün və 2 saat isti yerdə, həcmi 2 dəfə artana qədər mayalanmağa qoyun.

Xəmir mayalanarkən 100 q istədiyiniz çərəz qarışığını (qoz, fındıq və s.) xırda-xırda doğrayın.

Gəlmiş xəmiri düzbucaqlı formada yayın. Üzərinə kənarlarından bir az boşluq buraxaraq 50 q yumşalmış kərə yağını bərabər yayın. Üzərinə 100 q doğranmış qoz və 100 q qonur şəkər səpin. Rulet kimi bükün və tikiş hissəsini möhkəmcə sıxaraq bağlayın.

Kənarlarını kəsib səliqəyə salın və ruleti 6 bərabər hissəyə bölün. Bulkaları yaxşıca yağlanmış bişirmə qabına düzün, üzərini örtün və 1 saat isti yerdə dinləndirin.

Əvvəlcədən 180°C (350°F) qızdırılmış sobada 25–30 dəqiqə bişirin. Hazır bulkaları bir az soyumağa qoyun.

50 q şəkər kirşanını 10 q (2 ç. q.) südlə qarışdırın və qlazuru bulkaların üzərinə gəzdirin.