Badamlı Almali Piroq

170 q unu geniş bir qaba ələyin. 50 q şəkər tozu və ½ ç. q. qabartma tozu əlavə edib qarışdırın. Kiçik kublar şəklində doğranmış 100 q soyuq kərə yağını əlavə edib əlinizlə ovuntu halına salın. Yumurta və vanili əlavə edib xəmiri toparlayın.

Xəmiri yastı disk formasına salıb streç plyonkaya bükün və 1 saat soyuducuda saxlayın.

Piroq qəlibini kərə yağı ilə yağlayın və xəmiri əlinizlə bərabər şəkildə dibinə və kənarlarına doğru yayın. İçliyi hazırlayana qədər qəlibi soyuducuda saxlayın.

100 q unu qaba ələyin. 100 q badam unu, 100 q şəkər tozu və ½ ç. q. duz əlavə edib qarışdırın. Kiçik kublar şəklində doğranmış 100 q soyuq kərə yağını əlavə edib ovuntu halına gələnə qədər qarışdırın. Qabın üzərini bağlayıb 1 saat soyuducuda saxlayın.

500 q almanın qabığını soyub kiçik kublar şəklində doğrayın. Üzərinə 100 q şəkər tozu, 2 x. q. qarğıdalı nişastası və ½ ç. q. darçın əlavə edib yaxşıca qarışdırın.

Almalı içliyi xəmirin üzərinə bərabər yayın. Badamlı ovuntunu bütün səthə səpin.

Əvvəlcədən 180°C (350°F) dərəcədə qızdırılmış sobada 40–45 dəqiqə bişirin. Tam soyumasını gözləyin.