Nəmli Brauni

3 yumurta, 150 q qəhvəyi şəkər tozu, 1 ç.q. badam likörü və 1 ç.q. vanil ekstraktını yaxşıca qarışana qədər çalın.

Qazanda vam odda 120 q tünd şokolad və 180 q kərə yağını fasiləsiz qarışdıraraq bircinsli kütlə alınana qədər əridin. Əridilmiş şokoladı tədricən, dayanmadan qarışdıraraq yumurtalı qarışığa əlavə edin.

Ayrı bir qaba 50 q un və 15 q kakao tozunu ələyin, ¼ ç.q. duz əlavə edib qarışdırın. Quru qarışığı tədricən şokoladlı xəmirə əlavə edin və tam qarışana qədər ehtiyatla qarışdırın.

Xəmiri yağlanmış və bişirmə kağızı sərilmiş 22×22 sm ölçülü qəlibə töküb üzərini hamarlayın. 180°C (350°F) dərəcədə 20–25 dəqiqə bişirin.

Braunini qəlibdə bir az soyumağa qoyun, sonra çıxarıb tamamilə soyudun. 9 kvadrat dilimə bölün.

40 q ağ şokoladı əridin (mən şokolad olan qabı qaynar su olan qabın üzərinə qoyaraq buxarda əritdim). Braunilərin üzərinə nazik xətlər çəkin və şokolad donmamış ürək bəzəklərini səpin.