Kök Keksi

130 q təzə kökü sürtgəcin iri gözündən keçirin, 1 ədəd yumurta, 100 q şəkər tozu, 120 q qoxusuz duru yağ (mən günəbaxan yağı istifadə edirəm) və 15 q xama (qatıqla da əvəz edə bilərsiniz) əlavə edib qarışdırın.

150 q unu qabartma tozu, soda, duz və darçınla birlikdə qarışığa ələyin. Yaxşıca qarışdırın.

40 q qoz ləpəsini bıçaq və ya blenderlə xırda doğrayıb xəmirə əlavə edin.

Xəmiri qənnadı torbası və ya qaşıq köməyilə qəliblərə paylayın (6 böyük və ya 9 kiçik keks üçün).

Əvvəlcədən 160°C (325°F) dərəcədə qızdırılmış sobada 30–40 dəqiqə bişirin. Hazır olduğunu taxta çöplə yoxlayın. Bişdikdən sonra keksləri soyumağa qoyun.

Hər keksin ortasında qənnadı başlığı və ya qaşıqla dəlik açın və içini karamellə doldurun. Üzərinə kremi sıxın.

İstədiyiniz kimi bəzəyə bilərsiniz. Mən kekslərin üzərini karamel və doğranmış qoz ləpəsi ilə bəzədim.

120 q şəkər tozunu orta odda davamlı qarışdıraraq və topaqları əzərək əridin.

Şəkər tam əriyib rəngi tündləşdikdə, dondurucudan çıxarılmış 50 q kərə yağını hissə-hissə əlavə edin. Yağ ərimiş şəkərlə tam birləşənə qədər qarışdırın.

80 q qaynar qaymağı əlavə edib qarışdırın.

Karameli oddan götürün və ¼ ç. q. duz əlavə edin. Süzgəcdən təmiz qaba süzüb soyuducuya qoyun.

200 q krem pendiri 100 q soyuq qaymaq (ən az 24 saat soyuducuda qalmış) və 60 q şəkər kirşanı ilə birlikdə mikserlə çalın. Krem qatı və sabit forma alana qədər çalmağa davam edin. Hazır kremi başlıq taxılmış qənnadı torbasına doldurun.