Oshqovoqli Pirog

Ishni oshqovoqni tayyorlashdan boshlaymiz. Xom oshqovoqni kesib, po'stini arching va urug'laridan tozalang. O'rtacha bo'laklarga bo'lib, 800 g o'lchab oling. Bo'laklarni qozonga soling va ustini ko'madigan darajada suv quying. Qaynab chiqqach, olovni o'rtacha pasaytirib, oshqovoq butunlay yumshaguncha 45 daqiqa davomida qaynating. Suvini to'kib tashlab, oshqovoqni sovuting.

Katta idishda sovutilgan oshqovoq, 150 g shakar, 100 g yog'li qaymoq, 1 osh qoshiq makkajo'xori kraxmali, 1 choy qoshiq dolchin, ¼ choy qoshiq zanjabil, ¼ choy qoshiq muskat yong'og'i va ¼ choy qoshiq tuzni birlashtiring. 3 dona tuxum qo'shib, barchasini blender yordamida bir xil silliq holatga keltiring.

200 g unni elakdan o'tkazing, so'ng 30 g shakar va ¼ choy qoshiq tuz qo'shing. Barchasini aralashtiring. 100 g muzdek sariyog'ni unli aralashmaga qirg'ichdan chiqaring va qo'lingiz bilan uvoq (kroshka) holiga keltiring. Vanilinni 70 g muzdek suv bilan aralashtirib, unli massaga qo'shing va bir jinsli bo'lgunicha tezda yig'ib oling. Xamirni oziq-ovqat plyonkasiga o'rab, yassilang va 40 daqiqaga muzlatgichga qo'ying.

Sovutilgan xamirni un sepilgan stolda qolipdan biroz kattaroq doira shaklida yoying. Yog'langan qolipga joylashtiring, chetlarini bosib chiqing va ortiqcha xamirni kesib tashlang. Qolipdagi xamirni 20 daqiqaga muzlatkichga qo'ying.

Oshqovoqli massani muzlatilgan xamir ustiga quying va yuzasini kurakcha bilan tekislang. Oldindan 180°C (350°F) qizdirilgan duxovkada 50–60 daqiqa davomida pishiring. Pirogni to'liq sovuting.

350 g sovutilgan yog'li qaymoqni 60 g shakar kukuni bilan mikser yordamida ko'pirtiring. Past tezlikdan boshlab, asta-sekin tezlikni oshiring. Krem qattiq va mayin cho'qqilar hosil qilguncha, taxminan 3–5 daqiqa ko'pirtiring. Qaymoqli kremni yulduzcha uchlik o'rnatilgan qandolat qopchasiga soling va sovugan pirogning chetlariga naqsh qilib siqib chiqing.