Makli Bulochka

Katta idishda 250 g un, 1½ choy qoshiq quruq xamirturush, 50 g shakar va ¼ choy qoshiq tuzni aralashtiring. 30°C (86°F) gacha ilitilgan 150 g sut va 50 g yumshoq sariyogʻ qoʻshib, hamma masalliq bir xil boʻlguncha aralashtiring. Ustini oziq-ovqat plyonkasi bilan yopib, iliq joyda 30 daqiqaga qoldiring.

Tingan xamirni silliq va elastik holga kelguncha 7–10 daqiqa yaxshilab mushtlang. Ozgina yogʻlangan idishga solib, ustini plyonka bilan yoping va hajmi 2 baravar oshguncha, iliq joyda 1½–2 soat tindiring.

Oshgan xamirni toʻrtburchak shaklda yoying. Makli nachinkani chetlaridan ozroq joy qoldirib, xamir yuzasiga bir tekis surting. Rulet qilib oʻrang, chokini yaxshilab yopishtiring va 6 boʻlakka boʻling.

Bulochkalarni pergament qogʻozi toʻshalgan listga tering. Har birining oʻrtasini kurakcha bilan bosib shakl bering, soʻng ustiga koʻpirtirilgan tuxum surting.

Oldindan 180°C (350°F) qizdirilgan duxovkada usti qizarguncha 20–25 daqiqa davomida pishiring. Bulochkalar toʻliq sovishini kuting.

Kichik qozonchada 100 g sut bilan 100 g shakarni qaynatish darajasiga keltiring. Uni 200 g maydalangan mak ustiga quying va yaxshilab aralashtiring. Ustini plyonka bilan yopib, damlab qoʻying va sovuting. Soviganidan soʻng unga 1 dona tuxum solib, yana aralashtiring.