Oshqovoqli Pirog

Avval oshqovoq pyuresini tayyorlab olamiz. Oshqovoqni bir necha bo‘lakka bo‘lib, urug‘laridan tozalang va 500 g miqdorini qolipga soling. Qizdirilgan gaz pechida 180°C (350°F) haroratda 50–60 daqiqa davomida, xuddi qaynatilgan kartoshkadek yumshoq bo‘lguncha pishiring. To‘liq sovigach, po‘stlog‘idan qoshiq bilan ajratib olib, blenderda pyure holiga keltiring. 250 g pyure o‘lchab oling va chetga surib turing.

Idishga 200 g un, 1½ choy q. qabartma, 2 choy q. dolchin, ¼ choy q. zanjabil kukuni va ¼ choy q. muskat yong‘og‘ini elang. Unga ½ choy q. tuz solib, aralashtiring va bir chetga qo‘ying.

Chuqur idishda 3 dona tuxumni ko‘pirtirishni boshlang va asta-sekin, bir necha qismga bo‘lib 250 g jigarrang shakarni qo‘shing. Aralashma oppoq bo‘lib ko‘pirguncha va deyarli barcha shakar eriguncha, 7–10 daqiqa yaxshilab ko‘pirtiring.

250 g oshqovoq pyuresini qo‘shib, venchik bilan ehtiyotkorlik bilan aralashtiring. So‘ng un va ziravorlar aralashmasini ikki bosqichda qo‘shing. Oxirida 120 g o‘simlik yog‘ini quyib, xamir bir xil massa bo‘lguncha venchikda aralashtiring.

Qolipni o‘simlik yog‘i bilan moylab, pergament qog‘ozi soling. Xamirni quyib, yuzasini tekislang. Oldindan 160°C (325°F) gacha qizdirilgan gaz pechida 45–50 daqiqa davomida pishiring.

Pirogni biroz sovutib, keyin qolipdan chiqaring, oziq-ovqat plyonkasiga o‘rab, to‘liq sovushiga qo‘ying. Xohlasangiz, muzlatkichda bir kecha qoldirishingiz mumkin.

30 g yong‘oqni (yoki xohlagan boshqa yong‘oqlarni) maydalang. Idishda 400 g krem-chiz bilan 100 g shakar kukunini bir tekis bo‘lguncha aralashtiring. Sovigan pirog ustiga kremni tekis qilib surting va ustidan yong‘oq sepib chiqing.