Shaftolili Bodomli Tart

Katta idishda elangan 210 g un, 85 g shakar kukuni, 25 g bodom uni va ½ choy q. tuzni aralashtiring. Kichik kubik qilib toʻgʻralgan 125 g sovuq sariyogʻni soling va xamir uvoq (qumoq) holiga kelgunicha ishqalang.

Alohida idishda tuxumni oqi va sarigʻi bir xil boʻlguncha biroz koʻpirtiring. Uni unli massaga qoʻshib, xamir birikgunicha tezda aralashtiring.

Xamirni ikkita pishiriq qogʻozi orasida doira shaklida yoying va 40–60 daqiqaga muzlatkichga qoʻying. Soʻng tart qolipiga joylashtirib, tubi va chetlariga bosib chiqing, ortiqcha qismini kesib oling va krem tayyor boʻlguncha yana muzlatkichda kuttiring.

100 g bodom uni, 100 g shakar kukuni va 30 g makkajoʻxori kraxmalini aralashtiring. 2 dona tuxum, 1 choy q. vanil ekstrakti va 100 g yumshatilgan sariyogʻ qoʻshib, bir xil, mayin krem holiga kelguncha mikserda aralashtiring. Kremni xamir ustiga solib, tekislang.

4–5 dona shaftolini (700–800 g) parrak qilib toʻgʻrang. Krem ustiga bir-birining ustiga ozgina mindirib terib chiqing, ustidan jigarrang shakar va bodom parraklarini seping.

Oldindan 180°C (350°F) qizdirilgan gaz pechida 40–45 daqiqa davomida tilla rangga kirguncha pishirib oling. Tartni kesishdan oldin toʻliq sovuting.