Russian Honey Cake

Pagsamahin ang 100 g ng butter, 100 g ng asukal at 125 g ng honey sa isang kawali o kaserolang maliit. Tunawin sa mahinang apoy hanggang magsama nang maigi. Isalin ang mixture sa isang bowl.

Ihalo ang 25 g ng rum o liqueur at palamigin sandali nang mga 2 minuto. Ilagay ang 2 egg yolks at haluin nang mabuti.

I-sift o salain ang 300 g ng harina, baking powder, baking soda at asin papunta sa mixture, saka haluin hanggang makabuo ng dough.

Balutin ang dough sa cling film, i-flatten nang kaunti gaya ng nasa video, at palamigin muna sa ref nang 1 oras.

Hatiin ang dough sa 12 pantay-pantay na bahagi. I-roll out ang bawat bahagi sa pagitan ng dalawang piraso ng parchment paper, tusok-tusukin ng tinidor, at i-bake sa preheated oven sa 200°C (400°F) sa loob ng 2–3 minuto.

Habang nagpapalamig ng cake layers, ihanda naman ang frosting. Batihin ang 600 g ng sour cream kasama ang 100 g ng powdered sugar sa loob ng 2 minuto.

Pwede na nating i-assemble ang cake. Maglagay ng isang layer ng cake, pahiran ng sour cream frosting, at patungan ng susunod na layer. Ulit-ulitin lang hanggang maubos ang lahat ng layers.

Kapag napahiran na ang lahat ng cake layers, balutin ang cake gamit ang cling film, lapatan ng adjustable baking ring, at palamigin sa ref nang 8 oras o magdamag (overnight). Paraan ito para manuot nang husto ang cream sa bawat layer.

Durugin ang mga natirang tinabas mula sa cake layers. Gawin itong pinong crumbs; pwede kang gumamit ng food processor. Ilabas ang cake mula sa ref, saka tanggalin ang baking ring at cling film. Gamit ang spatula, balutin at pahiran ang buong cake ng ginawang crumbs.