Tartë e Lehtë me Ribes të Zi

Sitni 320 g miell, shtoni 100 g sheqer, një majë gishti kripë dhe 1 lç pluhur pjekës. Përziejini.

Shtoni 200 g gjalpë të ftohtë të prerë në kubikë dhe fërkojeni me miellin derisa të bëhet një masë e thërrmuar.

Shtoni 2 vezë te thërrimet dhe mblidheni brumin shpejt. Brumi do të jetë shumë i butë dhe mund të ngjisë pak.

Ndajeni brumin në dy pjesë të barabarta. Vendosni njërën pjesë në frigorifer dhe tjetrën në ngrirje (friz) për të paktën 2 orë.

Lani 300 g ribes të zi dhe pastrojini nga bishtat.

Shtoni 300 g sheqer te frutat dhe ziejini në zjarr mesatar për 10 minuta pasi të marrin valë. Lëreni mbushjen të ftohet.

Lyejeni tavën e pjekjes me pak gjalpë. Hapeni brumin nga frigoriferi në fundin e tavës.

Shtroni mbushjen e ftohur, duke lënë pak hapësirë te anët.

Grini në rende pjesën e brumit nga ngrirja (nga ana e trashë) dhe shpërndajeni njëtrajtshëm mbi mbushje.

Piqeni në furrë të ngrohur paraprakisht në 190°C (375°F) për 40–45 minuta.