ചോക്ലേറ്റ് സ്റ്റഫ്ഡ് കുക്കീസ്

ഫില്ലിംഗ് മുൻകൂട്ടി തയ്യാറാക്കുക. 240 g ചോക്ലേറ്റ് സ്പ്രെഡ് 12 ഭാഗങ്ങളാക്കി ഒരു പൈപ്പിംഗ് ബാഗോ സ്പൂണോ ഉപയോഗിച്ച് പാർച്ച്മെന്റ് പേപ്പറിൽ വെക്കുക. ഇത് കുറഞ്ഞത് 1 മണിക്കൂർ എങ്കിലും ഫ്രീസറിൽ വെച്ച് തണുപ്പിച്ചെടുക്കണം.

100 g ഹേസൽനട്ട് ഒരു സിപ്‌ലോക്ക് കവറിലിട്ട് ചപ്പാത്തിക്കോൽ വെച്ച് നന്നായി ചതച്ചെടുക്കുക. 280 g മൈദ, 1 tsp ബേക്കിംഗ് പൗഡർ, ¼ tsp ഉപ്പ് എന്നിവ ഒരുമിച്ച് അരിച്ചെടുത്ത് അതിലേക്ക് ചതച്ചുവെച്ച ഹേസൽനട്ട് ചേർത്ത് ഇളക്കി മാറ്റിവെക്കുക.

ഒരു പാത്രത്തിൽ റൂം ടെമ്പറേച്ചറിലുള്ള 140 g ബട്ടറും, 70 g പഞ്ചസാരയും, 70 g ബ്രൗൺ ഷുഗറും ചേർത്ത് ബീറ്റർ വെച്ച് നന്നായി യോജിപ്പിക്കുക. ഇതിലേക്ക് ഒരു മുട്ടയും 1 tsp വാനില എസ്സെൻസും ചേർത്ത് വീണ്ടും അടിച്ചെടുക്കുക. ശേഷം മാറ്റിവെച്ച പൊടികൾ ചേർത്ത് കുഴച്ച് കൈകൊണ്ട് ഒരു ബോൾ പരുവത്തിലാക്കുക.

കുക്കി മാവ് 24 തുല്യ ഭാഗങ്ങളാക്കി (ഓരോന്നും 30 g) ഉരുട്ടി പരത്തിയെടുക്കുക. ഇതിൽ 12 എണ്ണം ബേക്കിംഗ് ട്രേയിൽ നിരത്തി വെച്ച്, അതിനു മുകളിലായി ഫ്രീസ് ചെയ്തു വെച്ച ചോക്ലേറ്റ് വെക്കുക. ബാക്കി 12 എണ്ണം വെച്ച് മുകളിൽ മൂടി അരികുകൾ ഒട്ടിച്ച് നല്ല ഷേപ്പിലാക്കിയെടുക്കുക.

180°C (350°F) പ്രീഹീറ്റ് ചെയ്ത അവ്നിൽ 15 മിനിറ്റ് ബേക്ക് ചെയ്യുക, വശങ്ങൾ ചെറുതായി ബ്രൗൺ നിറമായാൽ മതി. അധികം ബേക്ക് ചെയ്യാൻ പാടില്ല. ബേക്ക് ചെയ്ത ശേഷം കുക്കീസ് പൂർണ്ണമായും തണുക്കാൻ അനുവദിക്കുക.

50 g മിൽക്ക് ചോക്ലേറ്റ് ഉരുക്കിയെടുക്കുക (ഡബിൾ ബോയിലിംഗ് രീതി ഉപയോഗിക്കാം) — ഇത് 6 കുക്കീസിന് ആവശ്യമായതുണ്ടാകും. ചോക്ലേറ്റ് കുക്കീസിന് മുകളിൽ പുരട്ടി, ചതച്ച ഹേസൽനട്ട് വിതറി സെറ്റാകാൻ വെക്കുക.