Торта од моркови со крем сирење

Во голем сад изрендајте 280 g моркови на крупната страна од рендето. Додајте 250 g шеќер, 3 јајца, 50 g путер и 100 g масло. Измешајте убаво да се соедини.

Во друг сад измешајте ги 280 g просеано брашно, прашокот за печиво, солта и циметот. Додајте ја оваа мешавина во главниот сад и убаво измешајте. Ситно исечкајте 50 g ореви и додајте ги во смесата.

Премачкајте го калапот со путер, наросете малку брашно, а на дното ставете исечена хартија за печење. Истурете ја смесата и печете во претходно загреана рерна на 170°C (350°F) околу 50–60 минути.

Завиткајте ја топлата кора во проѕирна фолија. Откако ќе се олади, оставете ја во фрижидер преку ноќ или барем неколку часа.

Откако добро ќе се излади, исечете ја кората хоризонтално на два дела, рамнејќи го врвот. Користете конец/жица за сечење торти или остар нож. Израмнете ги рабовите со помош на обрач за торта со малку помал дијаметар.

Во голем сад матете 200 g слатка павлака со 120 g шеќер во прав сè додека не добиете цврст шлаг. Потоа додајте 500 g крем сирење и продолжете со матење уште неколку минути.

Поделете го филот на два дела. Едниот дел ставете го во слаткарска кеса без продолжеток, а другиот дел во кеса со ѕвездест продолжеток.

Нанесете го првиот дел од филот врз првата кора и одозгора поклопете со втората кора. Израмнете ги страните со шпатула. Со вториот дел од филот и ѕвездестиот продолжеток декорирајте одозгора по ваша желба.