Американски колачиња со бело чоколадо и шамф'стaци

Во подлабок сад измешајте 100 g омекнат путер, 100 g кафеав шеќер, 50 g шеќер, јајцето и ½ лажичка екстракт од ванила. Изматете со миксер за побрзо или рачно додека не добиете мазна и кремаста смеса.

Просејте 240 g брашно, ½ лажичка прашок за печиво и ¼ лажичка сол, па измешајте додека не се формира мазно тесто.

Исечкајте 70 g бело чоколадо на ситни парчиња. Додајте го во тестото заедно со 70 g шамф'стаци и 100 g суви брусници, па убаво промешајте сè рамномерно да се распореди.

Поделете го тестото на 8 еднакви делови (по 95–100 g) и оформете топчиња. Наредете ги во плех обложен со хартија за печење, оставајќи простор меѓу нив, и малку сплескајте ги со дланките.

Печете во претходно загреана рерна на 180°C (350°F) околу 12–15 минути, додека не добијат благо златна боја. Оставете ги да се изладат на решетка.

Иситнете 30 g шамф'стаци и растопете 70 g бело чоколадо (јас го ставам садот со чоколадо врз друг сад со топла вода). Прелијте од растопеното чоколадо врз секое колаче и посипете со сечканите шамф'стаци. Оставете чоколадото да се стегне пред послужување.

И вашите колачиња со бело чоколадо, шамф'стаци и брусница се готови! Прекрасно изгледаат, имаат божествен вкус и се совршени за кафе, чај или како сладок подарок. 💛