Чоколаден чизкејк со солен карамел и кикирики

Изматете 75 g омекнат путер со 60 g шеќер во прав додека не добиете светла и кремаста смеса. Додајте ја жолчката и продолжете со матење уште неколку минути.

Просејте 115 g брашно, 20 g какао и еден прстофат сол директно во смесата, па убаво соjedinete со шпатула.

Завиткајте го тестото во проѕирна фолија, сплескајте го како што е прикажано на видеото и оставете го во фрижидер 30–40 минути.

Расукајте го тестото меѓу два листа хартија за печење, па избоцкајте го со виљушка. Печете во загреана рерна на 190°C (375°F) околу 10–15 минути. Оставете целосно да се излади.

Издробете ја изладената кора на ситни трошки (може и во сечко). Додајте 35 g омекнат путер и измешајте за да добиете влажна смеса што лесно се обликува.

Направете слој од алуминиумска фолија од три парчиња и исечете хартија за печење малку поголема од обрачот. Завиткајте ги околу обрачот, порамнете ги рабовите и формирајте ги страниците. Премачкајте ги страниците обилно со путер за готовиот чизкејк лесно да се извади.

Со ¾ од трошките формирајте ги страничните рабови, а со преостанатата ¼ обложете го дното. Убаво натапкајте со рамно дно од чаша.

Ставете го калапот во фрижидер 15–20 минути. Потоа запечете ја подлогата 10 минути на 180°C (350°F) и оставете ја сосема да се излади.

Изматете 600 g крем сирење (на собна температура) со 80 g шеќер. Потоа додајте 2 јајца, едно по едно. Загрејте 120 g слатка павлака и прелијте ја врз 50 g чоколадо. Измешајте додека не се стопи, па додајте во главниот крем.

Истурете го кремот врз изладената подлога и печете 90–120 минути на 110°C (230°F). Задолжително ставете друг сад со врела вода на самото дно од рерната.

Оставете го колачот полека да се излади во исклучена рерна, потоа покријте го со фолија и оставете го во фрижидер преку ноќ.

Растопете 120 g шеќер на умерена температура со постојано мешање и кршење на грутките, сè додека целосно не се стопи и добие убава килибарна боја.

Додајте 50 g ладен путер исечкан на парчиња и мешајте додека не се соедини со шеќерот. Полека додајте 80 g топла слатка павлака и мешајте.

Тргнете го од оган, додајте ¼ лажичка сол и процедете го во чист сад.

Внимателно извадете го чизкејкот од калапот. Одозгора наредете 90 g печени кикирики и полијте со карамелот, со помош на готварски шприц или лажица.