Полжавчиња со тиква и цимет

Најпрво подгответе го пирето од тиква. Исечете ја тиквата на парчиња и ставете 250–300 g во тавче за печење. Печете во претходно загреана рерна на 180°C (350°F) околу 50–60 минути, сè додека тиквата целосно не омекне како варен компир. Оставете ја да се излади, со лажица извадете го мекиот дел од кората и испасирајте со блендер. Измерете 160 g пире и тргнете го настрана.

Во подлабок сад измешајте 160 g млеко загреано на 30°C (86°F), 1½ лажичка сув квасец (или 15 g свеж квасец), ½ лажичка шеќер и 150 g просеано брашно. Покријте со проѕирна фолија и оставете на топло место околу 40 минути.

Во надојдената смеса додајте 50 g омекнат путер, 160 g пире од тиква, 1 лажичка сол и 50 g шеќер. Убаво промешајте, па просејте уште 300 g брашно. Месете го тестото околу 10 минути, покријте го и оставете го да нараснува на топло место околу 90 минути.

Расукајте го надојденото тесто во правоаголна форма. Рамномерно премачкајте со 60 g омекнат путер, оставајќи малку празен простор на краевите. Измешајте 100 g шеќер со 1 лажичка цимет и рамномерно посипете врз тестото.

Завиткајте го тестото во цврст ролат и притиснете го спојот за да се залепи. Исечете ги краевите од двете страни, па поделете го ролатот на 8 еднакви парчиња.

Тавчето за печење обилно премачкајте го со путер. Наредете ги полжавчињата оставајќи малку простор меѓу нив. Покријте со проѕирна фолија и оставете ги да стасуваат 40 минути.

Додека тестото стасува, направете го преливот. На умерена температура растопете 120 g шеќер, мешајќи постојано за да нема грутки, додека не добие течна и убава килибарна боја. Додајте 50 g ладен путер исечкан на коцки и мешајте брзо додека не се соедини.

Внимателно дотурете 80 g топла слатка павлака и измешајте.

Тргнете го садот од оган, додајте ¼ лажичка сол и процедете го карамелот во чист сад. На крај, ситно исечкајте 50 g пекан ореви.

Печете ги стасаните полжавчиња во загреана рерна на 180°C (350°F) околу 25–30 минути. Оставете малку да се проладат, па секое прелијте го со солен карамел и посипете со сечкани пекан ореви.