Пита со пекан ореви (Pecan Pie)

Во подлабок сад измешајте 150 g просеано брашно, 25 g шеќер и ¼ лажичка сол. Додајте 100 g ладен путер исечкан на коцкички и втријте го со прстите додека да добиете ронлива смеса слична на трошки. Додајте ја жолчката и 30 g ладна вода, па брзо соberete го тестото во топка.

Оставете го тестото во фрижидер да одмори 1 час. Потоа расукајте го во круг малку поголем од вашиот калап.

Префрлете го во премачкан калап со димензија 23 cm (9 in) (јас користам калап со обрач што се отвора), убаво притиснете го на дното и по рабовите, исечете ги вишоците и вратете го во фрижидер додека го правите филот.

Исечкајте 120 g пекан ореви. Во сад со жица изматете 100 g кафен шеќер, 100 g јаворов сируп, 50 g растопен путер, јајцето, 1 лажичка екстракт од ванила и ¼ лажичка сол додека сè убаво да се соедини. На крај вмешајте ги сечканите пекани.

Истурете го филот врз оладеното тесто и одозгора уредно наредете 100 g половинки од пекан ореви.

Печете на 175°C (350°F) околу 25–30 минути, додека убаво да порумени и да се стегне. Оставете ја питата целосно да се олади пред сечење.