Колачиња со путер од кикирики и крем сирење

Во подлабок сад измешајте 80 g омекнат путер, 120 g путер од кикирики, 100 g шеќер, 50 g кафен шеќер, јајцето и 1 лажичка екстракт од ванила. Изматете со миксер или со жица за матење за да се соедини побрзо.

Просејте 180 g брашно, ½ лажичка прашок за печиво и ¼ лажичка сол, па додајте ги во смесата и убаво измешајте додека не добиете еднолично тесто.

Во помал сад соединете 150 g крем сирење и 50 g шеќер.

Поделете го тестото на 14 еднакви делови (по 40 g секој). Расукајте или сплескајте 7 парчиња во кругови и наредете ги во тавче обложено со хартија за печење. Врз секој круг ставете еднаква количина од филот (25–30 g).

Сплескајте ги преостанатите 7 парчиња во кругови и ставете ги одозгора врз филот. Спојте ги и притиснете ги добро рабовите на секое колаче, па оформете ги во убави тркалезни дискови.

Одозгора врз секое колаче наредете солени кикирики. Печете во претходно загреана рерна на 180°C (350°F) околу 10–12 минути, додека краевите благо не заруменат.

Оставете ги колачињата целосно да се изладат, а потоа попрскајте ги со растопено млечно чоколадо.