ಜಾಮ್ ಹಾರ್ಟ್ ಕುಕೀಸ್

75 g ಬೆಣ್ಣೆ ಮತ್ತು 50 g ಪುಡಿ ಸಕ್ಕರೆಯನ್ನು 3–5 ನಿಮಿಷಗಳ ಕಾಲ ನಯವಾಗಿ, ಫ್ಲಫಿ ಆಗುವವರೆಗೆ ಬೀಟ್ ಮಾಡಿ. ನಂತರ ಮೊಟ್ಟೆಯ ಹಳದಿ ಲೋಳೆ ಮತ್ತು ½ tsp ವೆನಿಲ್ಲಾ ಎಕ್ಸ್‌ಟ್ರ್ಯಾಕ್ಟ್ ಸೇರಿಸಿ ಇನ್ನೊಂದು ನಿಮಿಷ ಬೀಟ್ ಮಾಡಿ. ಈಗ 135 g ಹಿಟ್ಟು ಮತ್ತು ¼ tsp ಉಪ್ಪನ್ನು ಜರಡಿ ಹಿಡಿದು ಹಾಕಿ, ಸ್ಪ್ಯಾಚುಲಾದಿಂದ ನಿಧಾನವಾಗಿ ಎಲ್ಲವನ್ನೂ ಚೆನ್ನಾಗಿ ಮಿಕ್ಸ್ ಮಾಡಿ.

ಎರಡು ಪಾರ್ಚ್‌ಮೆಂಟ್ ಪೇಪರ್ ನಡುವೆ ಹಿಟ್ಟನ್ನು ಇಟ್ಟು 5 mm (3/16 in) ದಪ್ಪಕ್ಕೆ ಲಟ್ಟಿಸಿಕೊಳ್ಳಿ, ನಂತರ 30 ನಿಮಿಷ ಫ್ರಿಡ್ಜ್‌ನಲ್ಲಿಡಿ.

ಹಾರ್ಟ್ ಶೇಪ್ ಕುಕಿ ಕಟ್ಟರ್ ಬಳಸಿ ಪ್ರತಿಯೊಂದು ಬಿಸ್ಕತ್‌ಗೆ ಮೇಲ್ಭಾಗ ಮತ್ತು ಕೆಳಭಾಗವನ್ನು ಕಟ್ ಮಾಡಿಕೊಳ್ಳಿ. ಕಟ್ ಮಾಡಿದ ಕುಕೀಸ್ ಅನ್ನು 5 ನಿಮಿಷ ಫ್ರಿಡ್ಜ್‌ನಲ್ಲಿಟ್ಟು, ನಂತರ ಪಾರ್ಚ್‌ಮೆಂಟ್ ಪೇಪರ್ ಹಾಕಿದ ಬೇಕಿಂಗ್ ಟ್ರೇಗೆ ವರ್ಗಾಯಿಸಿ. ಉಳಿದ ಹಿಟ್ಟನ್ನು ಮತ್ತೆ ಒಟ್ಟುಗೂಡಿಸಿ, ಲಟ್ಟಿಸಿ ಇದೇ ರೀತಿ ಮಾಡಿ.

180°C (350°F) ನಲ್ಲಿ 8–10 ನಿಮಿಷಗಳ ಕಾಲ ಬೇಕ್ ಮಾಡಿ, ಕಪ್ಪಾಗದಂತೆ ಗಮನವಿರಲಿ. ನಂತರ ಜಾಗರೂಕತೆಯಿಂದ ವೈರ್ ರ್ಯಾಕ್ ಮೇಲೆ ಇಟ್ಟು ಪೂರ್ತಿಯಾಗಿ ತಣ್ಣಗಾಗಲು ಬಿಡಿ.

30 g ವೈಟ್ ಚಾಕೊಲೇಟ್ ಕರಗಿಸಿ, ಮೇಲ್ಭಾಗದ ಕುಕೀಸ್ ಮೇಲೆ ಸುರಿಯಿರಿ (drizzle ಮಾಡಿ). ಚಾಕೊಲೇಟ್ ಗಟ್ಟಿಯಾಗುವ ಮುನ್ನ ಹಾರ್ಟ್ ಶೇಪ್ ಸ್ಪ್ರಿಂಕ್ಲರ್ಸ್ ಉದುರಿಸಿ, ಪೂರ್ತಿಯಾಗಿ ಸೆಟ್ ಆಗಲು ಬಿಡಿ.

ಕೆಳಗಿನ ಕುಕೀಸ್ ಮೇಲೆ ನಿಮ್ಮಿಷ್ಟದ ಜಾಮ್ ಹಾಕಿ (ನಾನು ಸ್ಟ್ರಾಬೆರಿ ಜಾಮ್ ಬಳಸಿದ್ದೇನೆ) ಮತ್ತು ಮೇಲ್ಭಾಗದ ಕುಕೀಸ್ ಇಟ್ಟು ಸ್ಯಾಂಡ್‌ವಿಚ್ ಮಾಡಿ.

ಇಷ್ಟೇ, ರುಚಿಕರವಾದ ಹಾಗೂ ಆಕರ್ಷಕವಾದ Jam-Filled Heart Cookies ಸವಿಯಲು ಸಿದ್ಧ! ನಿಮ್ಮ ಪ್ರೀತಿಪಾತ್ರರೊಂದಿಗೆ ಮತ್ತು ಫ್ಯಾಮಿಲಿ ಜೊತೆ ಹಂಚಿಕೊಂಡು ಆನಂದಿಸಿ. 😍