ಸ್ಟ್ರಾಬೆರಿ ಚೀಸ್‌ಕೇಕ್

280 g ಸ್ಟ್ರಾಬೆರಿಗಳನ್ನು ಸಣ್ಣದಾಗಿ ಹೆಚ್ಚಿ, ಅದಕ್ಕೆ 130 g ಸಕ್ಕರೆ, 10 g ಕಾರ್ನ್‌ಫ್ಲೋರ್ ಮತ್ತು ½ ಚಮಚ ವೆನಿಲ್ಲಾ ಎಕ್ಸ್‌ಟ್ರ್ಯಾಕ್ಟ್ ಸೇರಿಸಿ. ಸಣ್ಣ ಉರಿಯಲ್ಲಿ ನಿರಂತರವಾಗಿ ಕೈಯಾಡಿಸುತ್ತಾ, ಕುದಿ ಬಂದ ನಂತರ 3–5 ನಿಮಿಷ ಬೇಯಿಸಿ. ನಂತರ ನುಣ್ಣಗೆ ಬ್ಲೆಂಡ್ ಮಾಡಿ, ಮೇಲ್ಮೈಗೆ ತಾಗುವಂತೆ ಪ್ಲಾಸ್ಟಿಕ್ ರಾಪ್ ಮುಚ್ಚಿ ಪೂರ್ತಿಯಾಗಿ ತಣ್ಣಗಾಗಲು ಬಿಡಿ.

75 g ಮೃದುವಾದ ಬೆಣ್ಣೆ ಮತ್ತು 60 g ಪುಡಿ ಸಕ್ಕರೆಯನ್ನು ಮಿಶ್ರಣ ಬೆಳ್ಳಗಾಗುವವರೆಗೆ ಬೀಟ್ ಮಾಡಿ. ನಂತರ ಮೊಟ್ಟೆಯ ಹಳದಿ ಲೋಳೆ ಮತ್ತು ½ ಚಮಚ ವೆನಿಲ್ಲಾ ಎಕ್ಸ್‌ಟ್ರ್ಯಾಕ್ಟ್ ಸೇರಿಸಿ ಇನ್ನೆರಡು ನಿಮಿಷ ಬೀಟ್ ಮಾಡಿ. 140 g ಹಿಟ್ಟು, 30 g ಬಾದಾಮಿ ಹಿಟ್ಟು ಮತ್ತು ¼ ಚಮಚ ಉಪ್ಪನ್ನು ಒಟ್ಟಿಗೆ ಬೆರೆಸಿ, ಬೆಣ್ಣೆಯ ಮಿಶ್ರಣಕ್ಕೆ ಸೇರಿಸಿ ಕಲಸಿ. ಹಿಟ್ಟನ್ನು ಪ್ಲಾಸ್ಟಿಕ್ ರಾಪ್‌ನಲ್ಲಿ ಸುತ್ತಿ, ಚಪ್ಪಟೆ ಮಾಡಿ 30–40 ನಿಮಿಷ ಫ್ರಿಡ್ಜ್‌ನಲ್ಲಿಡಿ.

ನಂತರ ಹಿಟ್ಟನ್ನು ಲಟ್ಟಿಸಿ, ಮುಂಚಿತವಾಗಿ ಕಾಯಿಸಿದ ಓವನ್‌ನಲ್ಲಿ 190°C (375°F) ತಾಪಮಾನದಲ್ಲಿ 10–15 ನಿಮಿಷ ಬೇಕ್ ಮಾಡಿ. ಪೂರ್ತಿಯಾಗಿ ತಣ್ಣಗಾಗಲು ಬಿಡಿ.

ತಣ್ಣಗಾದ ಕ್ರಸ್ಟ್ ಅನ್ನು ಫುಡ್ ಪ್ರೊಸೆಸರ್‌ನಲ್ಲಿ ಅಥವಾ ಜಿಪ್-ಲಾಕ್ ಬ್ಯಾಗ್‌ನಲ್ಲಿ ಹಾಕಿ ರೋಲಿಂಗ್ ಪಿನ್‌ನಿಂದ ಪುಡಿ ಮಾಡಿ. 40 g ಕರಗಿಸಿದ ಬೆಣ್ಣೆಯನ್ನು ಈ ಪುಡಿಗೆ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ಕೇಕ್ ರಿಂಗ್‌ನ ಒಳಭಾಗಕ್ಕೆ ಎಣ್ಣೆ ಸವರಿ, ಅದನ್ನು ಚಪ್ಪಟೆಯಾದ ಬೇಸ್ ಮೇಲೆ ಇಡಿ. ¾ ಭಾಗದಷ್ಟು ಪುಡಿಯನ್ನು ರಿಂಗ್‌ನ ಬದಿಗಳಿಗೆ ಮತ್ತು ಉಳಿದ ¼ ಭಾಗವನ್ನು ತಳಕ್ಕೆ ಹಾಕಿ. ಚಪ್ಪಟೆ ತಳವಿರುವ ಲೋಟದಿಂದ ಒತ್ತಿ ಸಮತಟ್ಟಾಗಿ ಸೆಟ್ ಮಾಡಿ. 15–20 ನಿಮಿಷ ಫ್ರಿಡ್ಜ್‌ನಲ್ಲಿಡಿ.

ತಯಾರಿಸಿದ ಸಾಸ್‌ನಿಂದ 150 g ಅಳತೆ ಮಾಡಿ ಪ್ರತ್ಯೇಕಿಸಿ. 600 g ಕ್ರೀಮ್ ಚೀಸ್‌ಗೆ 120 g ಸಕ್ಕರೆ ಸೇರಿಸಿ ಮಿಕ್ಸ್ ಮಾಡಿ. ನಂತರ ಒಂದೊಂದಾಗಿ ಮೊಟ್ಟೆಗಳನ್ನು ಸೇರಿಸಿ, 1 ಚಮಚ ವೆನಿಲ್ಲಾ ಎಕ್ಸ್‌ಟ್ರ್ಯಾಕ್ಟ್ ಮತ್ತು 150 g ಹೆವಿ ಕ್ರೀಮ್ ಹಾಕಿ ಮಿಶ್ರಣ ಮಾಡಿ. ಕೊನೆಯದಾಗಿ 150 g ಸ್ಟ್ರಾಬೆರಿ ಸಾಸ್ ಸೇರಿಸಿ ಚೆನ್ನಾಗಿ ಕಲೆಸಿ.

ತಂಪಾದ ಕ್ರಸ್ಟ್‌ನ ಮೇಲೆ ಫಿಲ್ಲಿಂಗ್ ಮಿಶ್ರಣವನ್ನು ಸುರಿಯಿರಿ. ಓವನ್‌ನ ಕೆಳಗಿನ ರ‍್ಯಾಕ್‌ನಲ್ಲಿ ಬಿಸಿ ನೀರಿರುವ ಬೇಕಿಂಗ್ ಟ್ರೇ ಇಟ್ಟು, ಚೀಸ್‌ಕೇಕ್ ಅನ್ನು 110°C (230°F) ನಲ್ಲಿ 100–130 ನಿಮಿಷ ಬೇಕ್ ಮಾಡಿ. ಕೇಕ್‌ನ ಮಧ್ಯಭಾಗ ಸ್ವಲ್ಪ ಅಲುಗಾಡಬೇಕು.

ಓವನ್ ಆಫ್ ಮಾಡಿ, ಕೇಕ್ ಅನ್ನು ಓವನ್ ಒಳಗಡೆಯೇ ತಣ್ಣಗಾಗಲು ಬಿಡಿ. ತಣ್ಣಗಾದ ಮೇಲೆ ಪ್ಲಾಸ್ಟಿಕ್ ರಾಪ್ ಮುಚ್ಚಿ ರಾತ್ರಿಯಿಡೀ ಫ್ರಿಡ್ಜ್‌ನಲ್ಲಿಡಿ. ಮಾರನೇ ದಿನ ಜಾಗರೂಕತೆಯಿಂದ ಕೇಕ್ ರಿಂಗ್ ತೆಗೆಯಿರಿ. ಪ್ರತಿ ತುಂಡಿನ ಮೇಲೂ ಉಳಿದ ಸ್ಟ್ರಾಬೆರಿ ಸಾಸ್ ಹಾಕಿ ಸರ್ವ್ ಮಾಡಿ.