ರಷ್ಯನ್ ಹನಿ ಕೇಕ್

ಒಂದು ಪಾತ್ರೆಯಲ್ಲಿ 100 g ಬೆಣ್ಣೆ, 100 g ಸಕ್ಕರೆ ಮತ್ತು 125 g ಜೇನುತುಪ್ಪವನ್ನು ಸೇರಿಸಿ, ಕಡಿಮೆ ಉರಿಯಲ್ಲಿ ಕರಗುವವರೆಗೆ ಬಿಸಿ ಮಾಡಿ. ನಂತರ ಈ ಮಿಶ್ರಣವನ್ನು ಒಂದು ಬೌಲ್‌ಗೆ ಹಾಕಿ.

ಇದಕ್ಕೆ 25 g ರಮ್ ಅಥವಾ ಲಿಕರ್ ಸೇರಿಸಿ, ಮಿಶ್ರಣ ಸ್ವಲ್ಪ ತಣ್ಣಗಾಗಲು ಒಂದೆರಡು ನಿಮಿಷ ಬಿಡಿ. ನಂತರ 2 ಮೊಟ್ಟೆಯ ಹಳದಿ ಲೋಳೆ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ.

ಈಗ 300 g ಹಿಟ್ಟು, ಬೇಕಿಂಗ್ ಪೌಡರ್, ಬೇಕಿಂಗ್ ಸೋಡಾ ಮತ್ತು ಉಪ್ಪನ್ನು ಜರಡಿ ಹಿಡಿದು ಮಿಶ್ರಣಕ್ಕೆ ಸೇರಿಸಿ, ಚೆನ್ನಾಗಿ ಕಲಸಿ ಹಿಟ್ಟಿನ ಹದಕ್ಕೆ ತನ್ನಿ.

ತಯಾರಾದ ಹಿಟ್ಟನ್ನು ಕ್ಲಿಂಗ್ ಫಿಲ್ಮ್‌ನಲ್ಲಿ ಸುತ್ತಿ, ವಿಡಿಯೋದಲ್ಲಿ ತೋರಿಸಿದಂತೆ ಚಪ್ಪಟೆಯಾಗಿ ತಟ್ಟಿ, 1 ಗಂಟೆ ಫ್ರಿಡ್ಜ್‌ನಲ್ಲಿಡಿ.

ಹಿಟ್ಟನ್ನು 12 ಸಮಾನ ಭಾಗಗಳಾಗಿ ವಿಂಗಡಿಸಿ. ಪ್ರತಿಯೊಂದು ಭಾಗವನ್ನು ಎರಡು ಪಾರ್ಚ್‌ಮೆಂಟ್ ಪೇಪರ್‌ಗಳ ನಡುವೆ ಇಟ್ಟು ತೆಳುವಾಗಿ ಲಟ್ಟಿಸಿ, ಫೋರ್ಕ್‌ನಿಂದ ಚುಚ್ಚಿ. ಮೊದಲೇ ಕಾಯಿಸಿದ ಓವನ್‌ನಲ್ಲಿ 200°C (400°F) ನಲ್ಲಿ 2–3 ನಿಮಿಷಗಳ ಕಾಲ ಬೇಕ್ ಮಾಡಿ.

ಕೇಕ್ ಲೇಯರ್‌ಗಳು ತಣ್ಣಗಾಗುವವರೆಗೆ, ಫ್ರಾಸ್ಟಿಂಗ್ ಸಿದ್ಧಪಡಿಸೋಣ. 600 g ಸೋರ್ ಕ್ರೀಮ್ ಜೊತೆ 100 g ಪುಡಿ ಸಕ್ಕರೆ ಸೇರಿಸಿ ಒಂದೆರಡು ನಿಮಿಷ ಬೀಟ್ ಮಾಡಿ.

ಈಗ ಕೇಕ್ ಜೋಡಿಸಬಹುದು. ಒಂದು ಕೇಕ್ ಲೇಯರ್ ಇಟ್ಟು, ಅದರ ಮೇಲೆ ಸೋರ್ ಕ್ರೀಮ್ ಫ್ರಾಸ್ಟಿಂಗ್ ಹಚ್ಚಿ, ನಂತರ ಇನ್ನೊಂದು ಲೇಯರ್ ಇಡಿ. ಇದೇ ರೀತಿ ಎಲ್ಲಾ ಲೇಯರ್‌ಗಳನ್ನು ಒಂದರ ಮೇಲೊಂದು ಜೋಡಿಸಿ.

ಎಲ್ಲಾ ಲೇಯರ್‌ಗಳನ್ನು ಜೋಡಿಸಿದ ನಂತರ, ಕ್ಲಿಂಗ್ ಫಿಲ್ಮ್‌ನಿಂದ ಸುತ್ತಿ, ಕೇಕ್ ರಿಂಗ್ ಹಾಕಿ ನಿಧಾನವಾಗಿ ಒತ್ತಿ. ಲೇಯರ್‌ಗಳು ಕ್ರೀಮ್ ಅನ್ನು ಚೆನ್ನಾಗಿ ಹೀರಿಕೊಳ್ಳಲು 8 ಗಂಟೆ ಅಥವಾ ಇಡೀ ರಾತ್ರಿ ಫ್ರಿಡ್ಜ್‌ನಲ್ಲಿಡಿ.

ಕೇಕ್ ಕಟ್ ಮಾಡಿ ಉಳಿದ ಸಣ್ಣ ಚೂರುಗಳನ್ನು ಮಿಕ್ಸರ್‌ನಲ್ಲಿ ಹಾಕಿ ಪುಡಿ (crumbs) ಮಾಡಿಕೊಳ್ಳಿ. ಫ್ರಿಡ್ಜ್‌ನಿಂದ ಕೇಕ್ ಹೊರತೆಗೆದು, ಬೇಕಿಂಗ್ ರಿಂಗ್ ಮತ್ತು ಕ್ಲಿಂಗ್ ಫಿಲ್ಮ್ ತೆಗೆಯಿರಿ. ಸ್ಪ್ಯಾಟುಲಾ ಬಳಸಿ ಕೇಕ್‌ನ ಎಲ್ಲಾ ಕಡೆ ಈ ಪುಡಿಯನ್ನು ಚೆನ್ನಾಗಿ ಲೇಪಿಸಿ.