Алма бәліші (крамблмен)

Үлкен ыдысқа 170 г ұнды елеп салыңыз. 50 г қант пен ½ шай қ. қопсытқышты қосып, араластырыңыз. Төртбұрыштап туралған 100 г салқын сары майды салып, ұнмен бірге қолмен үгінді (крошка) етіп езіңіз. Жұмыртқа мен ванилинді қосып, қамыр илеңіз.

Қамырды дөңгелектеп жайып, тағамдық үлдірге (пленка) ораңыз да, 1 сағатқа тоңазытқышқа қойыңыз.

Бәліш пісіретін қалыпты сары маймен майлаңыз. Қамырды қолыңызбен қалыптың түбі мен ернеулеріне біркелкі етіп жайып шығыңыз. Салманы дайындағанша қалыпты тоңазытқышқа қоя тұрыңыз.

Ыдысқа 100 г ұнды елеп салыңыз. Оған 100 г бадам ұнын, 100 г қант пен ½ шай қ. тұзды қосып, араластырыңыз. Кішкене бөліктерге туралған 100 г салқын сары майды салып, бәрін үгінді (крошка) күйге келтіріңіз. Ыдыстың бетін жауып, 1 сағатқа тоңазытқышқа салып қойыңыз.

500 г алманың қабығын тазалап, ұсақтап тураңыз. Оған 100 г қант, 2 ас қ. жүгері крахмалы мен ½ шай қ. даршынды қосыңыз. Жақсылап араластырыңыз.

Алма салмасын қамырдың үстіне біркелкі етіп жайыңыз. Үстіне бадам крамблын толық жауып, сеуіп шығыңыз.

Алдын ала 180°C (350°F) дейін қыздырылған пеште 40–45 минут пісіріңіз. Дайын бәлішті толықтай суытыңыз.