Мак қосылған тәтті бөлкелер

Үлкен ыдысқа 250 г ұн, 1½ шай қ. құрғақ ашытқы, 50 г қант және ¼ шай қ. тұз салып араластырыңыз. 30°C (86°F) температураға дейін жылытылған 150 г сүт пен 50 г жұмсартылған сарымайды қосып, біркелкі болғанша араластырыңыз. Бетін тағамдық пленкамен жауып, жылы жерге 30 минутқа қойып қойыңыз.

Тынған қамырды біркелкі әрі созылмалы болғанша 7–10 минут бойы илеңіз. Шамалы сұйық май жағылған ыдысқа салып, бетін пленкамен жабыңыз да, көлемі 2 есе ұлғайғанша жылы жерде 1½–2 сағаттай ашытыңыз.

Көтерілген қамырды тіктөртбұрыш етіп жайыңыз. Шеттерін аздап ашық қалдырып, мак салмасын біркелкі етіп жағып шығыңыз. Қамырды орама (рулет) етіп орап, шеттерін жақсылап біріктіріңіз және 6 бөлікке бөліңіз.

Бөлкелерді пергамент қағазы төселген пісіру парағына қойыңыз. Әр бөлкенің ортасын қалақшамен (лопаткамен) басып пішін беріңіз, содан соң бетіне шайқалған жұмыртқа жағыңыз.

Алдын ала 180°C (350°F) дейін қыздырылған пеште қызарғанша 20–25 минут пісіріңіз. Бөлкелерді пештен алған соң толықтай суытыңыз.

Шөмішке 100 г сүт пен 100 г қантты құйып, қайнауға дейін жеткізіңіз. Оны 200 г ұнтақталған мактың үстіне құйып, жақсылап араластырыңыз. Бетін тағамдық пленкамен жауып, бұқтырылып, суығанша қалдырыңыз. Салма суыған соң, 1 жұмыртқаны қосып, тағы да араластырыңыз.