Шоколадты чизкейк

75 г жұмсарған сарымайды 60 г қант ұнтағымен ағарғанша жақсылап шайқаңыз. Жұмыртқа сарысын қосып, тағы екі минуттай шайқаңыз.

Үстіне 115 г ұн, 20 г какао ұнтағы мен бір шымшым тұзды елеп салып, біртекті болғанша араластырыңыз.

Қамырды тағамдық үлдірге (пленкаға) орап, видеодағыдай тегістеңіз де, 30–40 минутқа тоңазытқышқа жіберіңіз.

Қамырды екі пергамент қағазының арасына қойып жайыңыз, шанышқымен тесіп шығыңыз. 190°C (375°F) дейін қызған пеште 10–15 минут пісіріп алыңыз. Толықтай суытыңыз.

Суыған піскен қамырды блендерде немесе қолмен үгітіңіз. Үстіне 35 г жұмсарған сарымай қосып, араластырыңыз (қолыңызбен қысқанда жиналатын болуы керек).

Үш қабат фольганы және сақинадан сәл үлкендеу пергаментті дайындаңыз. Сақинаны фольгамен және пергаментпен қаптап, шеттерін бекітіңіз. Дайын чизкейк оңай шығуы үшін шеттеріне сарымай жағып шығыңыз.

Ұнтақтың ¾ бөлігімен чизкейктің ернеулерін (шеттерін), ал қалған ¼ бөлігімен түбін тегістеп салыңыз. Түбі тегіс стақанмен нығыздаңыз.

Қалыпты 15–20 минутқа тоңазытқышқа қойыңыз. Содан кейін 180°C (350°F) қызуда 10 минут пісіріп, толықтай суытыңыз.

Бөлме температурасындағы 600 г крем-сырды 80 г қантпен біркелкі болғанша араластырыңыз. Содан кейін 2 жұмыртқаны кезекпен біртіндеп қосыңыз. 120 г қаймақты (сливки) ысытып, 50 г шоколадтың үстіне құйып ерітіңіз. Екеуін жақсылап араластырып, крем-сырға қосыңыз.

Кремді суыған негіздің үстіне құйып, 110°C (230°F) температурада 90–120 минут пісіріңіз. Пештің түбіне міндетті түрде ыстық су құйылған қосымша ыдыс қойыңыз.

Чизкейкті өшірілген пештің ішінде суытыңыз, сосын үстін пленкамен жауып, түнге тоңазытқышқа қойыңыз.

Орташа отта 120 г қантты үздіксіз араластыра отырып, түйіршіктері қалмағанша ерітіңіз. Қант сұйылып, қоңырқай түске енуі керек.

Мұздатылған 50 г сарымайды бөліктермен салып, еріген қантпен біріккенше араластырыңыз. 80 г ыстық кілегейді құйып, тағы жақсылап араластырыңыз.

Карамельді оттан алып, ¼ шай қасық тұз салыңыз да, сүзгіден өткізіп таза ыдысқа құйыңыз.

Чизкейкті сақинадан абайлап шығарыңыз. Үстіне 90 г қуырылған жержаңғақты сеуіп, кондитерлік қапшықпен немесе қасықпен карамельді құйып әсемдеңіз.