შოკოლადის ჩიზქეიქი ცხობის გარეშე

160 გ მშრალი შოკოლადის ორცხობილა (მე სახლში გამომცხვარი გამოვიყენე) მოათავსეთ პაკეტში და გასაბრტყელებლით დააფშქვენით ერთგვაროვან მასამდე. ნაფხვენს შეურიეთ 50 გ გამდნარი კარაქი კარგად გაერთიანებამდე.

გასახსნელი ფორმის ძირზე დააფინეთ საცხობი ქაღალდი, გვერდებზე კი უხვად წაუსვით კარაქი. ასე ჩიზქეიქს ფორმიდან დაუზიანებლად და მარტივად ამოიღებთ.

ორცხობილის მასა გადაიტანეთ ფორმაში და სწორძირიანი ჭიქით მჭიდროდ და თანაბრად ჩატკეპნეთ. შედგით მაცივარში, სანამ კრემს მოამზადებთ.

თასში ერთმანეთს შეურიეთ 700 გ კრემ-ყველი და 350 გ ცხიმიანი ნაღები.

გაადნეთ 350 გ თეთრი შოკოლადი (ორთქლის აბაზანაზე ან მიკროტალღურში მოკლე იმპულსებით), დაუმატეთ კრემს ½ ჩ.კ. ვანილის ექსტრაქტთან ერთად და კარგად გადაურიეთ. მიღებული კრემის ორი მესამედი გადაანაწილეთ ორცხობილის ძირზე.

გაადნეთ 60 გ შავი შოკოლადი (ორთქლის აბაზანაზე ან მიკროტალღურში), დაუმატეთ დარჩენილ კრემს და კარგად შეურიეთ. ეს შოკოლადის ფენა ფრთხილად მოასხით თეთრ ფენას.

შედგით ჩიზქეიქი მაცივარში სრულ გამყარებამდე, სასურველია მთელი ღამით ან მინიმუმ 5 საათით.