ვაშლისა და დარიჩინის ბაბკა

ღრმა ჯამში შეურიეთ 30°C-მდე (86°F) შემთბარი 120 გ რძე, 1 ჩ.კ. მშრალი საფუარი (ან 8 გ ნედლი საფუარი), ½ ჩ.კ. შაქარი და 100 გ გაცრილი ფქვილი. გადააფარეთ საკვები ცელოფანი და დადგით თბილ ადგილას 40 წუთით.

აფუებულ მასას დაუმატეთ 40 გ შაქარი, 40 გ დარბილებული კარაქი და კვერცხის გული. კარგად აურიეთ, შემდეგ კი შეაზილეთ გაცრილი 120 გ ფქვილი. თუ ცომი ძალიან გეკრობათ ხელზე, ცოტაოდენი ფქვილი კიდევ დაამატეთ.

ზილეთ ცომი 10–15 წუთის განმავლობაში, შემდეგ გადააფარეთ და დაასვენეთ თბილ ადგილას 2 საათით, რომ კარგად ამოვიდეს.

სანამ ცომი ფუვდება, მოამზადეთ გულსართი. გათალეთ ერთი საშუალო ვაშლი (150 გ) და დაჭერით პატარა კუბიკებად. დაუმატეთ ½ ჩ.კ. დარიჩინი და 100 გ შაქარი. მოშუშეთ საშუალო ცეცხლზე მუდმივი რევით, სანამ მასა არ შესქელდება. შემდეგ აცადეთ ბოლომდე გაცივება.

აფუებული ცომი გააბრტყელეთ მართკუთხედად. თანაბრად გადაანაწილეთ გულსართი და ნაპირები ოდნავ თავისუფალი დატოვეთ. გადაახვიეთ ცომი მჭიდრო რულეტად და კიდეები შეუკარით.

რულეტი სიგრძეზე გაჭერით შუაზე ისე, რომ ერთი ბოლო გაუჭრელი დარჩეს, და ეს ორი ნაწილი ერთმანეთში გადახლართეთ. მიღებული ნაწნავი წრიულად შეკარით და ჩადეთ კარგად ცხიმწასმულ 20 სმ (8 in) ფორმაში. გადააფარეთ საკვები ცელოფანი და დატოვეთ 1 საათით.

გამოაცხვეთ წინასწარ 180°C (350°F) ტემპერატურაზე გახურებულ ღუმელში 25–30 წუთის განმავლობაში. აცადეთ ბოლომდე გაცივება.

100 გ შაქრის პუდრას შეურიეთ ნახევარი ლიმონის წვენი. შესაძლოა ოდნავ მეტი ან ნაკლები წვენი დაგჭირდეთ, რომ მიიღოთ სქელი, თუმცა დენადი კონსისტენცია. მინანქარი თანაბრად მოასხით ბაბკას.