ალუბლის ჩიზქეიქი

ათქვიფეთ 75 გ დარბილებული კარაქი და 50 გ შაქრის პუდრა ჰაეროვანი მასის მიღებამდე. დაუმატეთ კვერცხის გული და ვანილი, განაგრძეთ თქვეფა კიდევ ორიოდე წუთი.

ჩააცერით მასაში 135 გ ფქვილი და მწიკვი მარილი, შემდეგ კი კარგად აურიეთ.

მიღებული ცომი შეახვიეთ საკვებ ცელოფანში, მიეცით ბრტყელი ფორმა (როგორც ვიდეოშია ნაჩვენები) და შედგით მაცივარში 30–40 წუთით.

გამოიღეთ ცომი მაცივრიდან, გააბრტყელეთ საცხობ ქაღალდებს შორის და ჩანგლით დაჩხვლიტეთ.

გამოაცხვეთ 190°C (375°F) წინასწარ გახურებულ ღუმელში 10–15 წუთის განმავლობაში. აცადეთ გაციება.

გაციებული ფირფიტა დააქუცმაცეთ წვრილ ნაფხვენად; შეგიძლიათ გამოიყენოთ ბლენდერი. დაუმატეთ ნაფხვენს 35 გ დარბილებული კარაქი და კარგად აურიეთ, სანამ მასა ერთმანეთს არ შეიკრავს.

მოვამზადოთ საცხობი რგოლი. ფოლგის სამი ფენისგან შექმენით ძირი, შემდეგ გამოჭერით რგოლზე ოდნავ დიდი პერგამენტის ქაღალდი. შემოახვიეთ ეს ფენები რგოლს გარედან, გაასწორეთ კიდეები და ამოუყვანეთ გვერდები.

გამზადებული რგოლის შიდა გვერდებს უხვად წაუსვით კარაქი, რათა მზა ჩიზქეიქი მარტივად ამოვიდეს.

ნაფხვენის ¾-ით ამოიყვანეთ ჩიზქეიქის გვერდები, ხოლო ¼ გადაანაწილეთ ძირზე. კარგად დატკეპნეთ ბრტყელძირიანი ჭიქით.

შედგით ფორმა მაცივარში 15–20 წუთით. შემდეგ გამოაცხვეთ 10 წუთის განმავლობაში 180°C (350°F) ტემპერატურაზე და აცადეთ სრულად გაციება.

ქვაბში მოათავსეთ 200 გ გაყინული ალუბალი, 100 გ შაქარი და 15 გ სიმინდის სახამებელი. დადგით დაბალ ცეცხლზე და ხარშეთ შესქელებამდე.

ალუბლის შიგთავსი ბოლომდე გააგრილეთ და გადაიტანეთ საკონდიტრო ტომარაში.

ერთმანეთს შეურიეთ 600 გ ოთახის ტემპერატურის კრემ-ყველი და 130 გ შაქარი. შემდეგ სათითაოდ შეათქვიფეთ 2 კვერცხი, დაუმატეთ ვანილი და 100 გ ცხიმიანი ნაღები.

ჩაასხით კრემი გაციებულ ძირზე და წრიულად დაასხით ალუბლის შიგთავსი. შემდეგ ხის ჩხირით გააკეთეთ ლამაზი ორნამენტები.

გამოაცხვეთ 90–120 წუთის განმავლობაში 110°C (230°F) ტემპერატურაზე. ღუმელის ქვედა დონეზე აუცილებლად შედგით ცხელი წყლით სავსე ჭურჭელი.

დატოვეთ ჩიზქეიქი გამორთულ ღუმელში გასაციებლად, შემდეგ გადააფარეთ საკვები ცელოფანი და შედგით მაცივარში მთელი ღამით.

მეორე დღეს ფრთხილად მოხსენით საცხობი რგოლი ან გასახსნელი ფორმა. ახლა უკვე შეგიძლიათ დატკბეთ სახლში მომზადებული, ულამაზესი და უგემრიელესი ალუბლის ჩიზქეიქით!